“Liverpul” bosh murabiyi Yurgen Klopp APL musobaqa jadvali hamda chempionlikni muddatidan avval rasmiylashtirgan "Chelsi" klubi xaqida o'z fikrlarini bildirdi. “Hozirda “Liverpul” musobaqa jadvalida 4-o'rinni egallab turibdi, “Chelsi”dan esa 17 ochko ortda qolmoqda. Ha, ular tarkibidagi tajribali futbolchilar sovuqqonlik bilan barcha jamoalardan ochko tortib olishmoqda. “Chelsi” o'z ishini oxiriga etkazdi. Londonliklar chempion bo'lishga loyiq edilar,  ularni jarohat olmaslik bobida omadlari keldi. Ya'ni Azar hamda Kosta mavsumning birorta o'yinini o'tkazib yubormadi. Bizni “Chelsi”dan ortda qolishimiz unchalik muhim ahamiyat kasb etmaydi. Lekin “Liverpul” mavsumda “Chelsi”dan faqat ochko borasida ortda qolgan bo'lishi mumkin. O'yin sifati bilan taqqoslaganda esa bizning ulardan qolishadigan joyimiz yo'q”, deydi Klopp Goal.com nashriga bergan intervyusida.
— deya xabar beradi uff.uz nashri.