“Barselona” darvozaboni Mark-Andre ter Stegen klubda qolish istagini bildirdi. “Menga “Barselona”ning birinchi raqamli posboni bo'lish yoqmoqda. Shuning uchun jamoada qoldim. Bu yuz berishi mumkin bo'lgan eng yaxshi hodisa. Uzoq yillarga qolmoqchiman. Katta klublarning darvozabonlari o'yin davomida bir-ikkita qurqarish amalga oshiradilar va bunga doim 100% tayyor bo'lishlari kerak. Ba'zida jamoaga yordam berish uchun faqat bitta imkon bor. Hatto yutqazayotgan bo'lsak ham, muxlislar doim yonimizda va qo'llab-quvvatlashda davom etadilar. Shuning uchun men ularga yaqinroq bo'lishni xohlayman”, – deydi ter Stegen. 25 yoshli germaniyalik futbolchi “Barselona” bilan 2022 yilgacha mo'ljallangan shartnoma haqida kelishib olgani xabar qilingandi.
— deya xabar beradi uff.uz nashri.