Kataloniyaning “Barselona” klubi hujumchisi Luis Suares jamoasi Evropa Chempionlar ligasidan tashqarida qolganidan xafa bo'lganinini yashirmadi. Uning so'zlariga ko'ra, “Barselona” “Yuventus” to'sig'idan o'ta olmagandan so'ng o'zida yomon xotiralarni hanuzgacha unuta olmayapti. Urugvaylik futbolchi musobaqa yarim finalini televizor orqali tomosha qilgani va bu holat unga yoqmaganligini aytib o'tdi. “Evropa Chempionlar ligasi yarim final bosqichi o'yinlarini televizor orqali ko'rganim uchun o'zimni kechira olmayapman. “Barselona” zaxirasida ham kuchli futbolchilar mavjud, har bir chizig'imizda o'z ishining ustalari to'p surishadi. Biz bundanda ko'prog'iga loyiq edik, ammo o'zimizni tanqid qilishni unutib qo'ydik. Futbolda xatolar bo'lishi tabiiy, lekin bu mavsumdagi omadsizliklar faqat xatolar evaziga kelmadi”, – deydi Suares El Periodico nashriga bergan intervyusida.
— deya xabar beradi uff.uz nashri.