Italiya chempionatining 36-turidan o'rin olgan «Roma» – «Yuventus» uchrashuvi o'z yakuniga etdi. Unda 3:1 hisobi qayd etilib, rimliklarning g'alabasi bilan tugadi. Mario Leminaning goliga «Roma» Daniel De Rossi, Stefan El-Shaaravi va Raji Naynggolanlarning gollari bilan javob qaytardi. Turinliklar A Seriyada 15 yanvardan beri ilk bor mag'lubiyat alamini totib ko'rdilar, o'shanda «keksa sinora» «Fiorentina»ga (1:2) taslim bo'lgan edi. Shu tariqa «Yuventus» (85 ochko) musoboqa jadvalining birinchi pog'onasida bormoqda va «Roma»ni 4 ochkoga ortda qoldirmoqda. «Napoli» esa 80 ochko to'plagan holda uchinchi o'rinni egallagan. Italiya chempionati 36-tur Roma – Yuventus 3:1  Gollar: 0:1 – 21 Lemina, 1:1 – 25 de Rossi, 2:1 – 56 El-Shaaravi, 3:1 – 65 Nainggolan. Roma – Shchensnii, Manolas, Emerson, Ryudiger, Fasio, Perotti (Grene, 70), Salax (Totti, 90), Nainggolan (Jezus, 78), de Rossi, El-Shaaravi, Paredes. Yuventus – Buffon, Benatiya, Bonuchchi, Lixtshtayner (Dani Alves, 64), Lemina, Asamoa, Sturaro (Dibala, 69), Pyanich, Kuadrado (Markizio, 77), Manjukich, Iguain. Ogohlantirishlar: Fasio (46), de Rossi (50), Paredes (60), Benatiya (89), Iguain (90).
— deya xabar beradi uff.uz nashri.