Angliya chempionatining 28-tur qoldirilgan o'yinida “Chelsi” o'z maydonida “Uotford” ustidan chiroyli g'alabaga erishdi. Gollarga boy bo'lgan o'yinda “Chelsi” raqib jamoa darvozasiga to'rtta gol urishga erishdi. Bunga javoban “Uotford” uchta gol bilan javob yo'lladi. Mavsum yakunida “Chelsi”ni tark etadigan Jon Terri uchrashuvning 22 daqiqasida gol muallifiga aylandi. Qiziqarlisi, Terri faoliyatidagi 17 mavsumda ham Angliya Premer-ligasi uchrashuvlarida gol urishni uddaladi. Shu tariqa, londonliklar mavsum chempionligini qo'lga kiritishganidan so'ng ham g'alabali seriyani davom ettirishmoqda. “Chelsi”– “Uotford” - 4:3 (2:1) Gollar: Terri 22, Aspilikueta 36, Batshuayi 49, Fabregas 88 — Kapu 24, Yanmat 51, Okaka-Chuka 74. “Chelsi”: Begovich, Zuma, Terri, Ake, Kenedi (Ayna 75), Villian, Chaloba (Fabregas 79), Azar, Kante, Aspilikueta, Batshuayi (Pedro 84). “Uotford”: Gomes, Predl, Xolebas, Yanmat, Mariappa, Kapu (Dini 90+1), Amrabat, Dukure, Bexrami, Kleverli, Nyang (Okaka-Chuka 71). Ogohlantirishlar: Xolebas 4, Amrabat 11, Ake 30, Chaloba 58, Predl 83, Dini 90+4, Okaka-Chuka 90+4. Chetlatish: Predl 90+2.
— deya xabar beradi uff.uz nashri.