Portugaliyaning «Sporting» klubi o'tgan yili o'z safiga yangi futbolchini qo'shib olgan, bu esa yaxshigina shov-shuvga sabab bo'lgandi. Chunki Martunis ismli yosh yigitcha, garchi tajribali hisoblanmasa-da, o'ziga xos tarixga ega edi. Aynan uning futbolga kirib kelishigacha bo'lgan jarayonlar, boshidan o'tkazganlari butun dunyo OAVning e'tiborini jalb qilgandi. Shu boisdan ham bu futbolchining «Sporting»ga o'tishi ko'pchilikni befarq qoldirmadi. Biz esa Martunisning aynan bolalikdagi ayanchli o'tmishiga to'xtalib o'tmoqchimiz. ENG OG'IR JUDOLIK 7 yoshli Martunis onasi va ikki opasi bilan mashinada ketayotgandi. Kutilmaganda mashina qattiq silkindi va aylanib ketdi. Ma'lum vaqtdan so'ng esa u suvga g'arq bo'lib yotardi. Bu avtofalokatdan faqat Martunis omon qoldi, xolos. Aniqrog'i, u suv yuzasida qalqib turgan maktab stuli parchalariga ilashib qolgandi. Uning onasi va opalari esa halok bo'lishdi. Suvning shiddatli oqimi bolakayni Indoneziyaning Sumatra shahridagi shaharchalardan biriga eltib tashladi. Mazkur voqea 2004 yilning 26 dekabrida sodir bo'lgan, aftohalokatga esa zilzila sabab bo'lgandi. Indoneziyadagi bu zilzilaning kuchi 9, 3 magnitudaga teng bo'lib, uning natijasida 230 ming nafar odam halok bo'lgandi. DENGIZ BAG'RIDAGI UCh HAFTA Martunis Banda-Achex shaharchasiga kelguncha,  dengizda uch haftalik sarsongarchilikka duchor bo'ldi. To'lqin uni ochiq dengizga uloqtirib tashlagandi. Uning ixtiyorida stul, matras, yog'och xoda, kreslo qoldig'i va divan bor edi, xolos.  Martunis uch hafta mobaynida hayotini saqlab qolish, ochlikka qarshi kurashish uchun quritilgan ugra iste'mol qildi. Baxtiga, uni ham tsunami shu yoqlarga olib kelgandi. Shuningdek, toza mineral suv ichdi (bu suvning borligi ham uning baxti edi) . Uch hafta davomida yigitcha bir nechta o'nlab jasadlarni ko'rdi va butun Er yuzida yolg'iz o'zim qolgan bo'lsam kerak, deb o'yladi. Dengizdagi hayotning o'n to'qqizinchi kunida barcha oziq-ovqat va ichimlik zaxiralari tugadi, okean ham yigitchaga yordam beradigan oziq ovqat solingan yoki ichimlik bo'lgan idishlarni uloqtirmay qo'ydi. Martunis kuchdan qolganida suv to'lqini uni qirg'oqqa uloqtirib tashladi. Holdan toyish, hasharotlarning chaqishidan qolgan jarohatlar, xullas, u mazkur hodisadan keyin vayronagarchiliklar orasida qolgandi. JURNALISTLAR E'TIBORINI TORTGAN KULBA Ammo shu erda Martunis kutilmagan omadga duch keldi: qirg'oqdagi 21-kunda «Sky News» telekanali jurnalistlari bilan uchrashadi. Jurnalistlar mazkur hududda yurishar, oxirgi tsunami oqibatlari to'g'risida reportaj tayyorlashardi. Ular Achexda yolg'iz bolakay yashayotgan omonatgina kulbani ko'rib qolishadi. Jurnalistlar darhol Martunisni ovqatlantirib, suv ichirishdi va kasalxonaga olib borishdi. Uning otasi va boshqa qarindoshlarini izlay boshlashdi. Bu xabar butun dunyoga tarqalib ketdi. Ayniqsa, Portugaliyani karaxt ahvolga solib qo'ydi. Chunki uch hafta davomida dengizda suzgan yigitcha futbol bo'yicha Portugaliya terma jamoasi libosini kiyib olgan, libosning orqasiga esa «Rui Koshta» deb yozib qo'yilgandi. «Men bu vaqtda umuman qo'rqqanim yo'q, chunki yashashni, oilam bilan uchrashishni hamda futbolchi bo'lishni xohlardim»,  — degandi o'shanda Martunis jurnalistlarga bergan intervyusida. Portugaliya futbol federatsiyasi bu qat'iyatli bolakayga tasanno aytdi va uyini tiklab olishi hamda hayotini izga solishi uchun otasi 40 ming evro ajratdi. Krishtianu Ronaldu esa bolakayni oilasi bilan birga Portugaliya terma jamoasining o'yiniga taklif qildi. «MEN FAQAT FUTBOLGA QIZIQAMAN» Ronaldu 2005 yilning yozida Banda-Achexga keldi. U Martunis bilan o'yin o'ynadi,  Davomi
— deya xabar beradi uff.uz nashri.