"Manchester Yunayted" bosh murabbiyi Aleks Fergyuson italiyalik mashhur murabbiy Karlo Anchelotti haqida iliq fikr bildirdi.
"Anchelotti - mening yaqin do'stim va futbol bilgan murabbiylar ichida eng yaxshilaridan biri. U ajoyib inson va yaqin orada ishga qaytadi, deb o'ylayman. Bunga hech qanday shubha yo'q. Bunday iqtidorga ega inson bir chetda qolmasligi kerak.
Karlo Chempionlar ligasida g'olib chiqish borasida ajoyib ko'rsatkichga ega. U "Milan" bilan ham futbolchi, ham murabbiy sifatida bu ishni uddalagan. Yana "Real"ga ham EChL g'olibligini keltirdi. Yana kimdir bu ishni uddalay oladi, deb o'ylamayman. Bunaqasi yagona", - deydi Fergyuson.
Eslatib o'tamiz, Fergyuson boshchiligidagi Buyuk Britaniya va Irlandiya terma jamoasi hayriya uchrashuvida Anchelotti boshqaruvidagi Jahon terma jamoasiga qarshi maydonga tushdi va 3:1 hisobida g'alabaga erishdi.
— deya xabar beradi uff.uz nashri.