Turinning “Yuventus” himoyachisi Leonardo Bonuchchi mehmonda poytaxtning “Roma”ga qarshi kechgan bahsi (3:1) da jamoasining mag'lubiyatini izohlab berdi. “Mag'lubiyat bizga Italiya Kubogi final o'yini oldidan qo'shimcha kuch berdi. Chorshanba kuni musobaqa sovrini uchun “Latsio”ga qarshi kurash olib boramiz, ular jismoniy va ruhiy tayyorgarlikka ega jamoa hisoblanishadi. Qiziqarli o'yin bo'lishi kutilmoqda va biz uni yaxshi tarzda o'tkazishimiz kerak. “Latsio” bilan uchrashuvda hammasi ruhan tayyorgarikka bog'liq. “Roma”ga ikkinchi bo'limda engildik va bu uchun gollar bilan jazolandik. Ammo birinchi bo'limda “Roma”ning xato qilishini kutgandik”, - deydi Bonuchchi Rai Sport nashriga Eslatib o'tamiz, “bo'ri”lar “keksa sinora”ni 3:1 hisobida taslim etishdi. Turinliklardan yagona javob to'pini Mario Lemin kiritdi. 
— deya xabar beradi uff.uz nashri.