Italiyaning “Roma” klubi yarim himoyachisi Franchesko Totti mavsum yakunida “Mayami” futbochlisiga aylanishi mumkin. La Gazzetta dello Sport nashrining xabariga ko'ra, faxriy futbolchi xizmatlariga MLS chempionatining etakchi jamoalari qiziqish bildirmoqda. Shuningdek, “Mayami” klubi bosh murabbiyi Alessandro Nesta Tottining Italiya termasidagi sobiq jamoadoshi hisoblanadi. Klub egasi esa “Milan”ning afsonaviy himoyachisi Paolo Maldinidir. Avvalroq, 40 yoshli futbolchi  faoliyatini yakunlashi haqida “Roma” sport direktori ma'lum qilgandi. Ammo Totti ushbu ma'lumotni o'zi e'lon qilishini bildirib o'tgan.
— deya xabar beradi uff.uz nashri.