«Manchester Yunayted» klubi tez orada «Real»ning kolumbiyalik yarim himoyachisi  Xames Rodrigesning «qizil iblislar» safiga o'tayotganini e'lon qiladi, deya xabar qilmoqda AS nashri. Ispaniya chempionatining oxirgi uchrashuvlari 21 may kuni o'tkaziladi. Ushbu kunda «MYu» Rodrigesning transferi haqidagi xabarni elon qiladi. O'z navbatida «Real» ushbu ma'lumotlarni EChL finaliga qadar oshkor qilmaslikni mo'ljallagan. Xabar qilinishicha, Xames o'tgan haftadayoq ingliz klubi bilan og'zaki kelishuvga erishgan. Eslatib o'tamiz, Xames madridliklar safida 2014 yildan buyon to'p suradi.
— deya xabar beradi uff.uz nashri.