"Santos" hujumchisi Gabriel Barbozaning o'tgan yilning yozida "Inter"ga o'tishi bilan bog'liq tafsilotlar ma'lum qilindi.
Unga ko'ra milanliklar 20 yoshli hujumchi uchun 30 million evro to'lagan. Barbozaning o'zi bilan ham 5 yillik shartnoma imzolanib, unga yiliga 6 million evro maosh berilmoqda.
Boz ustiga o'rtada turgan agent Juliano Bertoluchchi "Inter"dan 4 million evro mukofot puli olishi ko'zda tutilgan. Ushbu mablag' 12 ga bo'lib beriladi. Bertoluchchi mashhur agent Kia Jurabchianning do'sti bo'lib, ular bir qator transferlar yuzasidan birga ishlagan. Xususan Koutinoning "Liverpul"ga o'tishida hamkorlik qilingan.
Barboza joriy mavsum Italiya chempionatinign 9 o'yinida 1 ta gol kiritdi.
— deya xabar beradi uff.uz nashri.