"Manchester Yunayted" klubi joriy yilning moliyaviy ko'rsatkichlari bo'yicha kutilayotgan daromadni oshkor qildi.
Hisobotga ko'ra mankunianliklar 560 milliondan 570 million funtga qadar bo'lgan daromadni ko'zlamoqda. Bu esa klub tarixidagi rekord mablag' hisoblanadi. Bunga qadar eng yaxshi daromad o'tgan yili qo'lga kiritilgan bo'lib, 515 million funtni tashkil etadi.
"MYu" avvaliga 530-540 million funt ishlab olishni ko'zlayotgan edi. Ammo teletranslyatsiyalardan tushgan pul avval ko'zlanganidan ko'ra 12,9 foizga oshgani daromadni ham ko'tardi.
Biroq shu bilan birga funtning qadri dollarga nisbatan tushgani bois "MYu"ning qarzlari 349 milliondan 366 million funtga oshgan.
— deya xabar beradi uff.uz nashri.