"Manchester Yunayted" klubi sobiq himoyachisi Gari Nevill Madridning "Real" klubi hujumchilari Garet Beyl va Krishtianu Ronaldu haqida fikr bildirarkan, mankunianliklar ulardan yoshrog'ini sotib olgani ma'qulligini bildirgan.  Shu sababli himoyachi "MYu" safiga Garet Beyl  o'tishini istamoqda.
Krishtianu Ronaldu 2009 yilda "MYu"dan "Real"ga o'tgan va Ispaniyadagi faoliyati davomida ikki marta "Oltin to'p" yutib olgan. U haqida so'nggi vaqtlarda bir necha bor "Manchester Yunayted"ga qaytishi haqidagi xabarlar tarqagandi. Ammo Gari Nevill Ronaldudan ko'ra undan to'rt yosh kichik bo'lgan Beylni sotib olish ma'qulligini aytmoqda.
"Krishtianuni qaytarish haqidagi g'oya juda yaxshi. Bu Ronaldu uchun xuddi bir vaqtlar ketishi bilan bog'liq bo'lganidek yaxshi holat bo'lar edi.
U "MYu"da o'tkazgan so'nggi ikki yili davomida bu olamga hos bo'lmagan o'yin namoyish qildi va bu o'yinning bir qismi bo'lish men uchun ulkan sharaf. Ammo ayni vaqtda Ronaldudan so'ra Beylni sotib olgan ma'qul. Va bu Krishtianuga nisbatan hurmatsizlik emas", - deydi Nevill.
— deya xabar beradi uff.uz nashri.