"Barselona" va "Inter"dagi faoliyati davomida Joze Mourino bilan birga ishlagan sobiq yarim himoyachi Luish Figu hamyurti "Chelsi"dagi vaziyatni o'nglashiga shubhalanmasligini ta'kidlab o'tdi.
"Murabbiyning hayoti juda oddiy, hammasi natijalarga bog'liq. Natijani esa hech kim kafolatlay olmaydi. Ammo bu holat uning saviyasiga shubha uyg'otmasligi kerak. Vaqtinchalik omadsizlik murabbiy yomon degani emas.
Joze "Chelsi"dagi vaziyatni o'nglashiga shubha qilmayman. U bunga qadar ham ko'p bora bu ishni uddalay olgan. Shu bilan birga vaziyat yanada og'irlashishi mumkinligini ham istisno etmaslik kerak.
Eng muhimi, unga va uning ishiga ishonish kerak. Shunda g'alabalarni qaytarish osonroq bo'ladi", - deydi Figu.
— deya xabar beradi uff.uz nashri.