Kecha yakuniga etgan kichik «Voha» derbisida Ruslan Ahmedov boshchiligidagi yoshlarimiz juda yirik hisobda mag'lubiyatga uchradilar. Bahsning 35 daqiqada “Nasaf” yoshlar jamoasining eng tezkor futbolchisi, Alfayzi Nematov himoya chizig'imizdagi dastlabki xatodan keyin hisobni ochdi 1:0. Ammo yoshlarimiz hali o'zlariga kelib ulgurmasdan ikkinchi golni ham o'tkazib qo'yishdi. 37 daqiqada, Dilshod Xushbakov penaltidan hisobni 2:0 ko'rinishiga olib keldi. Ikkinchi bo'limda ham aslo hujumkorlikni pasaytirmagan kichik «Ajdarlar» endi 52 daqiqada hisobni oshirishdi. Bu vaziyatda, Doniyor Narzullaev gol kiritib hisobni 3:0 ko'rinishiga keltirib qo'ydi. Oradan bor yo'g'i ikki daqiqa o'tib, yoshlarimiz darvozasiga aniqrog'i 54 daqiqada yana, D. Xushbakov jamoasining 4-golini urdi. Afsuski qolgan daqiqalarda hech bo'lmasa endi hisobni qisqarishiga umid bog'lab turganimizda, Raxim Davronov uchrashuvning 79 daqiqasida beshinchi bor ranjitildi. Doniyorjon Narzullaev ushbu vaziyatda jamoasining beshinchi golini kiritib uchrashuvga nuqta qo'ydi. Shu tariqa yoshlarmiz kichik derbida juda yirik hisobda mag'lubiyatga uchradi. O'zPFL Yoshlar ligasi 11-tur “Nasaf” – “Mash'al” 5:0
Gollar: Ne'matov Alfayzi 35, Dilshod Xushbakov (pen-37),54, Narzullaev Doniyorjon 52,79.
"Mash'al": 53.Rahimjon Davronov, 3.Temur Mamatov, 8.Siroj Meliev, 17.Vladislav Pavlenko, 18.Bekzodjon Tursunov, 22.Abduraximov Shaxzod, 23.Shokir Yuldashev, 24.Abbos Omonov, 25.Shohjahon Qilichev, 47.Mo'minjon Meliev, 70.Jonibek Mirzoqulov
“Nasaf”: 1.Umidjon Ergashev, 4.Jo'rabek Mannonov, 6.Dilshod Saitov, 9.Dilshod Xushbakov, 14.Jahongir Qurbonboev, 15.G'olib G'aybullaev (s),16. Raxmatov Saydullo, 20.Akmal Mozgovoy, 22.Islom Kenjaboev, 28.Sardor Sa'dullaev, 43.Ne'matov Alfayzi.
— deya xabar beradi uff.uz nashri.