Joze Mourinyu. Bu inson futbol olamida o'ziga xos o'ringa ega. Ba'zan ajoyib natijalari, ba'zida esa xurmacha qiliqlari bilan futbol jamoatchiligi e'tiborini o'ziga tortadigan ushbu mutaxassis yana bir bor Evropa nashrlarining diqqatini tortdi. Uning jahldorligi va g'alati xarakteri haqida qayta-qayta yoza boshlashdi. JAZAVAGA TUShGAN JOZE 2013 yil 7 maydan 8 mayga o'tar kechasi Uoll-stritdagi «GestiFute» sport agentligida o'ziga xos portlash kuzatildi. Bu agentlikda ishlaydigan kotibalar har daqiqada telefonni ko'tarishga majbur bo'lishar, har safar so'kish-u haqoratlar eshitishardi. Ammo bu haqoratlar nafsoniyatlariga tekkan bo'lsa-da, sabr qilib har bir savolga javob berardi. Haqoratlar egasi esa Mourinyu edi. Diego Torres ismli yozuvchi o'zining «Mourinyu davri» kitobida bu haqda shunday yozadi: «Agentlikni eng jahldor insonning haqoratlari tutib ketdi, ammo Fergyuson unga «MYu» murabbiyligini taklif ham qilmagandi». Bu gap Jozening jahl otiga minishi sababini biroz aniqlashtiradi. Aftidan, «GestiFute» xodimlari Joze va «MYu» borasida qandaydir noto'g'ri axborot tarqatishgan. 9 may kuni «Manchester Yunayted» shotlandiyalik mutaxassis — Devid Moyesni taklif qildi. Oradan 25 kun o'tgach esa Mourinyu ikkinchi bor «Chelsi» murabbiyi etib tayinlandi. «Men kareramni rejalashtirib olganman. Portugaliyada qolmadim va Angliyaga ketdim. Keyin Angliyadagi faoliyatimni tugatib, Italiyaga yo'l oldim. So'ng «Real»ni boshqarishni xohladim. Hozir esa sarguzashtlarim nihoyasiga etdi. Men yana «Chelsi»daman va bu men uchun qulay», deydi Joze 2014 yilning oktyabrida Gari Nevill bilan suhbatda. «O'YNAY OLMAYDIMI, KETSIN!» Mourinyu doim o'zini haq deb hisoblaydi. Uning fikricha, hech bir gapi, u qaysi mavzuda bo'lmasin, noto'g'ri chiqmasligi, hech kim e'tiroz bildirmasligi kerak. Uning aynan shu xarakteri «Chelsi» shifokori Eva Karneyro bilan bog'liq mojaroda yaqqol ko'rindi. Jozening ko'p bora tanqidlarga uchraydigan xarakterlaridan yana biri o'yinchilarga faqat o'yiniga qarab muomala qilishidir. Shu paytga qadar Mourinyu hatto o'zi boshqargan klublarning yuragi deya baholangan futbolchilarni ham tap tortmay sotib yuborgan. Jurnalistlarning bu boradagi savollariga esa shunday javob qaytaradi: «U qanday futbolchi bo'lishidan qat'i nazar, o'ynay olmayaptimi, ketsin!» Ayniqsa, «Real»ni boshqargan kezlarida Raulni klubdan ketkazgan, bu esa yaxshigina e'tirozga sabab bo'lgandi. Ko'pchilik Raul Gonsales «Real»da anchadan beri o'ynab kelayotganini, u klubning tirik ramziga aylanib ulgurganini ta'kidlab, Jozeni bu qaroridan qaytishga undardi. Biroq Joze bunday e'tirozlarga quyidagicha javob qaytardi: «Ehtimol, Raul jamoada ko'p yillardan beri o'ynar, ammo u men uchun yangi. Ehtimol, u klubning tirik afsonasidir, lekin men uchun oddiy futbolchi, mening shogirdim. Demak, men uni boshqa klublarga sotib yuborishim mumkin». Yakunda portugaliyalik mutaxassis shunday qildi ham. «Qirollik klubi»ning qahramon o'g'loni Madridni tark etdi. Bu kabi misollarni ko'plab keltirish mumkin. Jumladan, yaqin o'tmishda «Chelsi»ni aynan Mourinyu sabab bir qator o'yinchilari tark etishdi. Xuan Mata, David Luiz va Kevin De Bryuyne kabi futbolchilar fikrimizga misol bo'la oladi. David Luiz «Chelsi»dan ketish sabablarini izohlar ekan, shunday degandi: «Joze uchun muhimi, sen doim portlab turishing kerak. Agar zo'r o'ynasang, uning erkatoy o'g'lidek bo'lib qolasan, bordi-yu jarohat olibmi yoki boshqa sabab bilanmi, o'yining chiqmay qolsa, seni o'gay o'g'lidan ham battar yomon ko'rib qoladi». Xuddi shu tarzdagi fikrlarni Kevin de Bryuyne ham bildirgandi. Dastlab London klubida o'rnini topa olmagan futbolchi «Volfsburg»da porladi. Shunda uni «Chelsi»ga taklif Davomi
— deya xabar beradi uff.uz nashri.