UEFA Chempionlar Ligasi va Evropa Ligasi, shuningdek ayollar o'rtasidagi EChL musoboqasi bosh sorvinini topshirish marosimiga o'zgartirishlar kiritdi. Endi finaldagi g'olib jamoaga kubok oldingidek tribunada emas, balki maydonning o'zida topshiriladi. «Maydon – futbolchilar uchun sahna va faqat u shunday yutuqlarni nishonlash uchun arziydi. Bundan tashqari, futbol rahbarlari o'yinchilarga xurmat ko'rsatgan holda, sovrinni topshirish uchun maydonga tushishlari kerak. Futbolchilar g'alabani o'z muxlislari ko'z o'ngida nishonlashlari zarur va butun stadion ularni ko'rib turishi lozim», – deydi UEFA rahbari Aleksander Cheferin. Shuningdek, UEFA ushbu amaliyotni o'z tasarrufidagi har bir musoboqa uchun joriy etadi.
— deya xabar beradi uff.uz nashri.