O'zbekiston milliy terma jamoasi delegatsiyasi JCh-2018 saralashining 2-bosqichidan o'rin olgan Yamanga qarshi o'yinda maydonga tushish uchun Qatarga uchib ketgani haqida avval xabar berib o'tgandik. Terma jamoamiz a'zolari eson-omon Doha shahriga etib borishdi. Bu haqida O'zbekiston futbol federatsiyasi rasmiy tvitterida ma'lumot qoldirilgan.
"Assalomu alaykum, Qatar! O'zbekiston terma jamoasi delegatsiyasi charter reysi orqali 3,5 soatda Dohaga uchib keldi", - deyiladi xabarda. Eslatib o'tamiz, Yamanga qarshi o'yin 17 noyabr kuni Toshkent vaqti bilan soat 20:30da boshlanadi.
— deya xabar beradi uff.uz nashri.