«Tottenxem» hujumchisi Xarri Keyn Angliya chempionati doirasida «Lester»ga qarshi kechgan o'yinda to'rtta gol kiritib, jamoasining 6:1 hisobidagi g'alabasiga hissa qo'shgan edi.
- Men yana ko'proq gol urishim mumkin edi, nazarimda. Bu faoliyatimdagi ilk poker. Mavsumning eng yaxshi to'purarligi kurashida Lukaku va Sanchesga bosim o'tkazish uchun bir-ikkita gol urishni ko'zlagan edim. Bu o'yinda esa bir yo'la to'rtta kiritdim. Ajoyib.
Menimcha bu eng yaxshi mavsumim. Men 11 hafta maydonga tusha olmadim va jarohatdan tuzalish uchun astoydil mehnat qildim. Men eng yaxshi formamga qaytishni ko'zlagandim, - deydi Keyn.
Eslatib o'tamiz, Keyn 26 gol bilan to'purarlar ro'yxatida etakchi bo'lib oldi.
— deya xabar beradi uff.uz nashri.