Ozarbayjon poytaxtida davom etayotgan IV “Islom birdamlik o'yinlari”ning ettinchi kuni o'zbekistonlik sportchilar uchun har jihatdan omadli va barokatli keldi. Musobaqaning dastlabki olti kunida jami 8 ta oltin medalga sazovor bo'lgan hamyurtlarimiz, ettinchi kun davomida 6 ta oltinga ega chiqishdi.  
Shubhasiz, kun qaxramonlari bokschilarimiz bo'lishdi. Zero finalga qadar etib kelgan uchchala bokschimiz o'z raqiblari ustidan g'alaba qozonib, delegatsiyamizga bir yo'la 3 ta oltin medalni taqdim etishdi.
56 kg. vazn toifasida ringga ko'tarilgan Abdulhay Sharahmatov finalda turkmanistonlik Yoqub Meredovga qarshi jang o'tkazdi. Bahs davomida tashabbusga ega bo'lgan hamyurtimiz raqibini ortiqcha qiyinchiliksiz taslim etib IV “Islom birdamlik o'yinlari”ning oltin medaliga sazovor bo'ldi.
64 kg. vazn toifasidagi bokschilar bahsida oltin medal uchun jang o'zbekistonlik Aliyor Noraliev va misrlik Muhammad Eslan o'rtasida kechdi. Aliyor final bahsida o'zbek boks maktabining dovrug'i butun dunyoga mashhur ekanligini yana bir bor amalda isbotladi va raqibi ustidan sof g'alabaga erishib, delegatsiyamiz hisobiga navbatdagi oltinni qo'shib qo'ydi.
Kechagi kunning eng dramatik janggi 69 kg. vazn toifasida hamyurtimiz Bobo-Usmon Batruov va mezbonlar vakili Tamerlan Abdullaev o'rtasida bo'lib o'tdi. Hamyurtimiz ilk daqiqalardan tashabbusni qo'lga oldi va raqibiga bir necha aniq zarbalar berishga muvaffaq bo'ldi.
Ammo ozarbayjonlik bokschini butun zal qo'llab quvvatlab turdi. Bu esa Baturovga qo'shimcha bosim o'tkazmay qolmadi. Bobo-Usmon shunga qaramay tashabbusni qo'ldan bermadi va yakunda xaqli ravishda g'alaba qozonib, oltin medalga sazovor bo'ldi.
Bokschilarimizning final uchrashuvlarini bevosita kuzatish uchun, “Crystal Hall” arenasiga O'zbekistonning Ozarbayjon Respublikasidagi Favqulotda va Muhtor Elchisi Sherzod Fayziev ham tashrif buyurdi. Bellashuvlar yakunlangach O'zbekiston Milliy olimpiya qo'mitasi Bosh kotibi Oybek Kasimov unga qo'mitaning esdalik nishonini topshirdi.
Musobaqaning ettinchi kunida taekvondochilarimiz ham muvaffaqiyatli ishtirok etishdi va delegatsiyamiz hisobiga bitta oltin, bitta kumush medallarini qo'shib qo'yishdi. Vazni 74 kilogrammgacha bo'lgan sportchilar bahsida Nikita Rafalovich birorta ham jangni boy bermadi va shohsupaning eng yuqori pog'onasidan joy oldi. Umida Abdullaeva esa -62 kg. vazn toifasida kumush medalini qo'lga kiritdi.
Engil etletika bo'yicha bellashuvlarda Nadiya Dusanova balandlikka sakrash bo'yicha eng yaxshi natijani qayd etib, 1 metru 80 santimer balandlikni zabt eta oldi va yakunda oltin medalga sazovor bo'ldi. Bir kun avval 100 metrga yugurish bahslarida kumush medaliga ega chiqqan Nigina Sharipova esa 200 metr masofaga o'tkazilgan bahslarda bronza medali bilan taqdirlandi.
Para-atletika bo'yicha musobaqalarda Rio-2016 Paralimpiya o'yinlarining chempioni Aleksandr Svechnikov nayza uloqtirish bahslarida 70 metr natija bilan nafaqat IV “Islom birdamlik o'yinlari”ning oltin medalini qo'lga kiritdi, balki ushbu natijasi evaziga jahon rekordini ham yangiladi.
Yunon-rum kurashida 130 kg. vazn toifasida gilamga chiqqan Mo'minjon Abdullaev yarim finalda mezbonlar vakili, Rio-2016 Olimpiya o'yinlari sovrindori Shariati Sabahni mag'lub etib yaxshigina shov-shuv ko'targandi. Ammo hal qiluvchi final bahsida turkiyalik Osman Yildirimga imkoniyatni boy berdi va kumush medal bilan cheklandi.
Ana shu tariqa 7 kun yakunlariga ko'ra sportchilarimiz hisobidagi medallar soni 54 taga etdi. Ularning 14 tasi oltin, 14tasi kumush va 26 tasi bronza medallaridir. Musobaqalar davom etadi.  
Demak ayni vaqtga qadar quyidagi sportchilarimiz IV “Islom birdamlik o'yinlarida medallarga sazovor bo'lishdi:
Sadriddin Saymatov – (karate, -60 kg.) - oltin
Gulnoza Matniyozova – (dyuzdo, -70 kg.) - oltin
Anastasiya Serdyukova (badiiy gimnastika) - oltin
Shuhrat Boboev (para-dzyudo, -90 kg.) - oltin
Shirin Sharipov (para-dzyudo, +100 kg.) - oltin
Oksana Chusovitina (sport gimnastikasi) - oltin
Niyoz Po'latov (taekvondo, - 58 kg.) - oltin
Rustam Jangabaev (og'ir atletika, +105 kg.) - oltin
Abdulhay Sharaxmatov (boks, 56 kg.) - oltin
Aliyor Noraliev (boks, 64 kg.) - oltin
Bobo-Usmon Baturov (boks, 69 kg.) - oltin  
Nadiya Dusanova (engil atletika, balandlikka sakrash) - oltin  
Aleksandr Svechnikov (para-atletika, nayza uloktirish) - oltin
Nikita Rafalovich (taekvondo, -74 kg.) - oltin
Badiiy gimnastika (terma jamoa) - kumush
Anastasiya Serdyukova (badiiy gimnastika) - kumush (2 ta)
Feruz Sayidov (para-dzyudo, -73 kg.) - kumush
Tennis (ayollar terma jamoasi) - kumush
Kumush Fayzullaeva (og'ir atletika, -63 kg.) - kumush
Ulug'bek Alimov (og'ir atletika, -85 kg.) - kumush
Farxodbek Sobirov (og'ir atletika, -94 kg.) - kumush
Sabina Sharipova (engil atletika, 100 m) - kumush
Islomjon Baxromov (yunon-rum kurashi, 59 kg.) - kumush
Dmitriy Shokin (taekvondo, +87 kg.) - kumush
Mansur Abdurashidov (para-atletika, 100 m) - kumush  
Muminjon Abdullaev  (yunon-rum kurashi, 130 kg) - kumush
Umida Abdullaeva (taekvondo, 62 kg.) - kumush
Saidxon Sayfuddinov (o'q otish) - bronza
Sakina Mamedova (o'q otish) - bronza
Diyorbek O'rozboev (dzyudo, -60 kg.) - bronza
Gulruh Rahimova (para-dzyudo, -70 kg.) - bronza
Dostonbek Otabolaev (karate, 75 kg.) - bronza
Barno Mirzaeva (karate, -61 kg.) - bronza
Abdulaziz Atabaev (karate, -84 kg.) - bronza
Sabina Tashkenbaeva (badiiy gimnastika) - bronza (2 ta)
Muattar Nabieva (og'ir atletika, -58 kg.) - bronza
Davlatbek Bobonov (dzyudo, -81 kg.) - bronza
Bekmurod Oltiboev (dzyudo, +100 kg.) - bronza
Dzyudo (erkaklar terma jamoasi) - bronza
Dzyudo (ayollar terma jamoasi) - bronza
Tennis (erkaklar terma jamoasi) - bronza
Doston Yoqubov (og'ir atletika, 69 kg.) - bronza
Manzura Mamasolieva (og'ir atletika, 69 kg.) - bronza
Omadoy Otaqo'zieva (og'ir atletika, 75 kg.) - bronza
Mironshoh Ibragimov (boks, -49 kg.) - bronza
Abrorjon Qodirov (boks, -52 kg.) - bronza
Ivan Efremov (og'ir atletika, -105 kg.) - bronza
Rustam Assakalov (yunon-rum kurashi, 98 kg.) - bronza
Nigora Tursunkulova (taekvondo, - 67 kg.) - bronza
Maksim Rafalovich (taekvondo, - 80 kg.) - bronza
Svetlana Osipova (taekvondo, +73 kg) - bronza
Nigina Sharipova (engil atletika, 200 metr) - bronza
O'zbekiston Milliy olimpiya qo'mitasi
matbuot xizmati
— deya xabar beradi uff.uz nashri.