Hindiston futbol federatsiyasi mamlakat o'smirlar terma jamoasi Italiya U-17 termasini mag'lubiyatga uchratganini rasman ma'lum qildi.
Uchrashuv o'smirlar o'rtasidagi jahon chempionatiga tayyorgarlik doirasida o'tkazilgan. Ammo keyinchalik ma'lum bo'lishicha, hindlar Italiyadagi Lega Pro U-17 chempionatining 3 va 4-ligasi futbolchilaridan tashkil topgan jamoa bilan o'ynagan bo'lib chiqmoqda.
Hindiston futbol federatsiyasi esa o'yindan so'ng "hind futboli tarixida yangi davr" boshlanganini e'lon qilgan edi. Federatsiya hamon Italiya o'smirlar terma jamoasi mag'lub etilganiga ishonmoqda.
— deya xabar beradi uff.uz nashri.