Buni qarangki, o'z vaqtida Ronaldu va Messi bilan birga o'ynab, mag'lubiyat alamini tatib ko'rgan ko'plab futbolchilar bor ekan. Bugungi sahifamizda ana shunday futbolchilarga to'xtalib o'tamiz.
DEKU
Ronaldu bilan: Portugaliya termasida (2003-2010). Portugaliyalik hujumchi va sobiq braziliyalik futbolchi, o'z vaqtida Portugaliya sharafini himoya qilgan Deku Ronaldu bilan bir vaqtda Evropa chempionatida to'p surgan, ammo g'oliblikni qo'lga kirita olishmagan. Aslida, ular to'qqizta o'yinda birga harakat qilishgan, xolos.
Messi bilan: «Barselona»da (2004-2008). Deku «Barselona»ga o'tganida Messi Kataloniya klubining asosiy o'yinchilaridan biriga aylanayotgandi. Bu ikkala futbolchi «Barselona»ning asosiy tarkibida birga to'p surishgan. Chempionlar ligasi turnirlaridan birida esa ikkita o'yinda mag'lubiyatga uchrashgan.
Ham Ronaldu, ham Messi bilan birga o'ynagan Dekudan kim kuchliroq ekanini so'rashganida u quyidagicha javob qaytargan: «Ronaldino kuchli. Ronaldu yosh, g'ayratli va juda shiddatkor. Messi o'z ustida juda ko'p ishlaydi, to'p bilan fantastik tarzda harakat qiladi. Ronaldino esa har tomonlama mukammal. Uning qobiliyati ayni damda hech bir futbolchida yo'q».
GABRIEL' XAYNTsE
Ronaldu bilan: «Manchester Yunayted»da (2004-2007). Jarohatlar va Patris Evraning asosiy tarkibdan joy olishi tufayli argentinalik chap qanot yarim himoyachisi Xayntse o'z o'rnini yo'qotdi. Shunday bo'lsa-da, u Ronaldu bilan «qizil iblislar» safida ikki mavsum harakat qildi va premer-ligada Krishtianu bilan birga mag'lub bo'ldi. «Real» klubida esa ular uchrashishmadi, chunki Ronaldu Madridga tashrif buyurganida Xayntse «qirollik klubi»ni tark etdi.
Messi bilan: Argentina termasida (2005-2010). Messi Xayntse bilan birga Argentina termasida 5 yil birga o'ynagan va birorta ham sovrinni qo'lga kiritmagan. Xususan, 2007 yilda Amerika kubogi finalida Braziliyadan mag'lub bo'lgan. Bu Xayntse va Messining birgalikda uchragan eng ayanchli mag'lubiyatidir. To'g'ri, Xayntse ham, Messi ham Olimpiya o'yinlari oltin medalini qo'lga kiritgan, ammo bu natijaga Xayntse 2004 yilda, Messi esa 2008 yilda erishgan, ya'ni ular birga o'ynashmagan.
XENRIK LARSSON
Messi bilan: «Barselona»da (2004-2006). Shvetsiyalik futbolchi «Seltik»da ajoyib mavsumni o'tkazgan va keyinchalik «Barselona»ga yo'l olgan. To'g'ri, Larsson Kataloniya klubida yomon natijalarga erishmadi, ammo, baribir, Messi bilan birgalikda mag'lub bo'lish qismatidan qochib qutula olmagan.
Ronaldu bilan: «Manchester Yunayted»da (2007). 36 yoshli o'yinchi Shvetsiya chempionatida bir muddat o'ynagach, «Manchester Yunayted»ga ijaraga berib yuboriladi. Larsson Manchesterda 13 ta o'yinda 3 ta gol uradi. Ronaldu esa superyulduz bilan o'ynash baxtiga erishadi va bundan quvonadi, hatto u bilan birga o'ynaganida mag'lubiyatga uchragan bo'lsa-da.
JERAR PIKE
Ronaldu bilan: «Manchester Yunayted»da (2004-2008). Ikkita yosh va iqtidorli futbolchi Angliya chempionatida birga o'ynashgan va, albatta, mag'lubiyatga uchragan o'yinlari ham bo'lgan.
Messi bilan: «Barselona»da (2008 yildan beri). Kataloniyaga ko'chib o'tgach, Pike juda ko'p yutuqlarni qo'lga kiritdi. Shu bilan birga, Messi ikkalasi maydonni ko'p bora boshi egik holda tark etgan.
KARLOS TEVES
Messi bilan: Argentina termasida (2005-2015). Messi va Teves Argentina termasining oxirgi o'n yillikdagi timsoliga aylanib ulgurishdi. Ammo ularning birgalikda uchragan mag'lubiyatlari ham talaygina. DAVOMI
— deya xabar beradi uff.uz nashri.