Professional boksdagi faoliyatini ajoyib nokaut bilan boshlagan Olimpiya o'yinlari chempioni Fazliddin G'oibnazarov ikkinchi jangini o'tkazdi.
AQShning Nyu-York shahridagi olamga mashhur "Madison Square Garden" majmuasida tashkil etilgan professional boks kechasida Fazliddin G'oibnazarov amerikalik Agustin Mauras bilan kuch sinashdi.
Agustin Mauras professional janglarda 2011 yildan buyon ishtirok etib kelmoqda. U hozirgacha oltita g'alaba, uchta nokaut, ikkita mag'lubiyat va uchta durang qayd etgan.
Fazliddin mezbon bokschiga qarshi sakkiz raundlik reyting jangini o'tkazdi. Bellashuv keskin va murosasiz kurashlar ostida o'tdi. Bir biriga munosib bokschilar jangida Fazliddan har bir raundda ustunlik qildi. Uchrashuvda zarbalar hisob-kitobi bilan shug'ullangan hakamlar bir ovozdan o'zbek bokschisining g'alabasini e'tirof etishdi.
— deya xabar beradi uff.uz nashri.