Buyog'iga «Paxtakor» haqida tez-tez yangilik eshitaverishga ko'nikish kerak. O'tgan hafta jamoa stadioniga oxirgi besh yillikdagi eng ko'p - besh mingdan oshiq muxlis kelgan edi. Bu hafta esa «Paxtakor»ni qabul qilib olishi mumkin bo'lgan yangi murabbiy haqida ham eshitdik - Oleg Kononov. Bu mutaxassisni tanimaganlar oramizda, ayniqsa, «Interfutbol»ni o'qiydiganlar ichida topilmasligi aniq. Chunki u Odil Ahmedov o'ynagan «Krasnodar»ni boshqargan. Shunday ekan, uni hamma biladi. Ammo hozir Oleg Kononov haqida gapirmoqchimasmiz. Umuman, «Paxtakor»ni mutlaqo boshqa inson boshqarishi ham hech gap emas. Yangi bosh murabbiy mavzusiga to'xtalganimiz boisi esa, endi «sherlar» makonidan hafta o'tgani sari turli yangiliklar yangrayveradi. Chunki klub o'z egasining qo'liga o'tgan. Jamoa o'ziniki bo'lgandan keyin nimanidir o'zgartirgisi keladi, yangilashni istaydi. O'zbekiston chempionatida ishtirok etadigan klublarning katta qismi hamon majburiy homiylar qo'lida qolib ketmoqda. Aniqrog'i, oliy ligada faqat «Obod» va mana endi «Paxtakor» ham hokimlik va boshqa tashkilotlarga qaram emas. qolganlar esa bir yillik byudjet tuzib, homiylar qancha pul bersa, shunga ko'ra xarajat qilishadi. Bir so'm ortiq yoki kam emas. Yomon tomoni, klublar bu pulni bir yil ichida «eb bitirishlari» shart. Aks holda, kelasi mavsum homiylar tomonidan ajratiladigan pul miqdori qisqarishi turgan gap. «Shunisi ham etarkan», deb o'ylab qolishlari ehtimoldan xoli emas. Oqibatda ba'zan bir so'm bilan bitadigan ishga ikki, uch so'm sarflab yuborilishi hech gapmas. Muxlislar esa stadionga faqat o'yin o'xshab qolganda kelishadi. O'tgan yili eng ko'p tomoshabin Buxoroda edi, bu yil Namanganda. Albatta, oliy liga klublarining tashkiliy tuzilmasini ko'p ham tanqid qilish niyatimiz yo'q. Zero aynan shu tizim tufayli futbolimiz o'tgan 25 yil davomida o'zini ushlab turdi. Millionlar o'yiniga hukumat darajasida e'tibor qaratilib, hattoki, yangi stadionlar ham qurib berildi. Kamiga klublar uchun majburiy homiylar biriktirib qo'yildi. Aynan mana shu qaror tufayli aksariyat jamoalarning moliyalashtirilishi barqaror ko'rinish oldi. Davlat e'tibori bo'lmasa, klublar xorijda yig'in o'tkazolmasdi, xalqaro musobaqalarda ishtirok etmasdi. Bularning bari yaxshi, albatta. Ammo faqat shu tizimga yopishib qolmaslik kerak. Hozir futbolimiz rivojlanish yo'lida ma'lum bosqichni bosib o'tdi. Bo'ldi, endi yangi bosqichga o'tish vaqti keldi. Har bir sohada bo'lgani singari qachondir futbolda ham bozor munosabatlariga o'tiladi. O'shanda qaysi klub tashabbuskorlik ko'rsatsa, oshig'i olchi bo'ladi. Eplolmagani esa... Albatta, bu oson ish emas. Futbolning ashaddiy muxlislari bir vaqtlari DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.