«Milan» klubi keyingi mavsumda Evropa Ligasida harakat qilish huquqini qo'lga kiritdi. 37-turda Vinchentso Montella shogirdlari «Bolonya»ni (3:0) yirik hisobda engdilar. Gollarga yarim himoyachilar Jerar Deulofeu, Keysuke Xonda va hujumchi Janluka Lapadulalar mualliflik qildilar. Shunday qilib, «Milan» A Seriyaning oltinchi pog'onasini naqd qilib qo'ydi. Bu o'rin esa Evropa Ligasi yo'llanmasini beradi. «Milan» iyulning yarmidan boshlab saralash bosqichida qatnashadi.
— deya xabar beradi uff.uz nashri.