Ispaniya chempionatining so'nggi 38-turidan o'rin olgan «Barselona» – «Eybar» uchrashuvi o'z nihoyasiga etdi. Unda 4:2 hisobi qayd etilib, mezbonlarning g'alabasi bilan tugadi. Uchrashuvning 7-daqiqasidayoq kutilmaganda «Eybar» futbolchilari hisobni ochishga erishdilar. Qanotdan uzatilgan to'pni Unui to'xtatib o'tirmay darvozaga joylab qo'ydi va mehmonlarni oldinga olib chiqdi. Uchrashuvning 61-daqiqasida yana o'sha yaponiyalik futbolchi Unui chap qanotdan jarima maydonchasiga yorib kirdi hamda ter Stegenni dog'da qoldirib, o'zining dublini nishonladi. Oradan ikki daqiqa o'tar-o'tmas mezbonlar hisobni qisqartirishga erishdilar. Neymarning zarbasini raqib darvozaboni qaytardi, ammo qaytgan to'p «Eybar» himoyachisi Junkaga tegib darvozadan joy oldi. O'yinning 70-daqiqasida hakam «Eybar» darvozasi tomon penalti belgiladi, biroq Messining zarbasini mehmonlar darvozaboni bartaraf etishga erishdi. Oradan uch daqiqa o'tib, Luis Suares o'rtadagi muvozanatni tikladi. 75-daqiqada «Eybar» himoyachisi Kapa Neymarni o'z jarima maydonchasi ichida to'xtatib qoldi hamda maydondan chetlatildi va penalti belgilanishiga sabab bo'ldi. Messi bu safar mo'ljalda adashmadi va jamoasini o'yinda ilk bor oldinga olib chiqdi. Hakam tomonidan qo'shib berilgan daqiqalarda Messi bir nechta raqib futbolchilarini aldab o'tib, chiroyli gol kiritishga erishdi va o'yindagi dublini nishonladi. Ushbu g'alaba kataloniyaliklarga amalda hech narsa taqdim etmadi. Jamoa musoboqa jadvalini ikkinchi o'rinda yakunladi. Ispaniya chempionati 38-tur Barselona – Eybar 4:2  Gollar: 0:1 – 7 Inui, 0:2 – 61 Inui, 1:2 – 63, avtogol Junka, 2:2 – 73 Suares, 3:2 – 75, penalti Messi, 4:2 – 90+2 Messi. Barselona – ter Stegen, Suares, Umtiti, Alba, Buskets, Marlon, Rakitich (Pako Alkaser, 71), Serdji Roberto (Andre Gomesh, 46), Inesta, Neymar, Messi. Eybar – Yoel, Arbilya, Junka, Kapa, Lejen, Penya (Leon, 68), Eskalante (Rivera, 83), Dani Garsiya, Inui, Enrik (Galves, 76), Kike. Ogohlantirishlar: Eskalante (19), Kapa (30), Buskets (41), Penya (54). Chetlatish: Kapa (74).
— deya xabar beradi uff.uz nashri.