«Barselona» klubi hujumchisi Lionel Messi Ispaniya chempionatining eng yaxshi to'purariga aylandi. Uning hisobida 37 ta gol bor. To'purarlar jadvalining ikkinchi pog'onasini Luis Suares («Barselona») egallagan, uning hisobida 29 ta gol mavjud. «Real» hujumchisi Krishtianu Ronaldu esa 25 ta gol bilan kuchli uchlikdan joy olgan. Messi 2012/13 mavsumdan beri ilk bor La-Liga to'purariga aylandi, o'sha mavsum hujumchi 46 ta gol kiritgan edi. 2013/14 va 2014/15 mavsumlarda Messi Krishtianu Ronaldudan keyingi o'rinni egallagan bo'lsa, o'tgan mavsumda «Barselona»ning boshqa hujumchisi Luis Suares Messidan o'zib ketgan edi.
— deya xabar beradi uff.uz nashri.