Ertaga mamlakat kubogining 1/8 finalida “Navbahor” Farg'onaning “Neftchi” klubi mehmoni bo'ladi. Kubok uchrashuviga ikki kun davomida Namanganda tayyorgarlik ko'rgan jamoamiz a'zolari bundan biroz vaqt oldin Farg'ona shahriga yo'l olishdi. Futbolchilarimiz bugun kechki mashg'ulotni aynan Farg'onadagi o'yingohda o'tkazishadi. Eslatib o'tamiz, 1/8 finalning dastlabki uchrashuvini Ilgiz Tantashev boshchiligidagi buxorolik hakamlar brigadasi boshqarib boradi. “Istiqlol” o'yingohidagi o'yin soat 18.00da boshlanishini qo'shimcha qilish joiz.
— deya xabar beradi uff.uz nashri.