“PSJ” klubi yarim himoyachisi Anxel Di Mariya “Inter” jamoasi a'zosiga aylanishi mumkin. Bu haqida Italiya matbuoti xabar tarqatdi. FCInterNews.it portalining ma'lumotiga ko'ra, argentinalik futbolchining agenti Jorje Mendesh milanliklar rahbariyati bilan muzokaralar olib bormoqda. Muzokaralar jarayonida “Inter“vitse-prezidenti, Di Mariyaning hamyurti Xaver Zanettining so'zi muhim ahamiyat kasb etishi mumkin. Yozda xavbek Milanga ko'chib o'tishining ehtimoli ancha yuqori baholanmoqda. Ushbu mavsumda 29 yoshli Di Mariya “PSJ” safida 41 marta maydonga tushib, 14ta gol hamda 15ta golli uzatmaga mualliflik qilgan.
— deya xabar beradi uff.uz nashri.