"Atletiko" yarim himoyachisi Yannik Ferreyra Karraskoga Turinning "Yuventus" jamoasi qiziqish bildirmoqda. Ma'lum bo'lishicha, Turin klubi vakillari madridliklar bilan aloqaga chiqib, 23 yoshli futbolchining transferi xususida ma'lumot so'rashgan. Aniqlanishicha, "Atletiko" uni 110 million evrodan kamiga qo'yib yubormoqchi emas. Chunonchi, futbolchi bilan tuzilgan shartnomada shuncha tovon puli ko'rsatilgan. Bordiyu, "Yuventus" uni qo'lga kiritolmasa, Federiko Bernardeski ("Fiorentina"), Duglas Kosta ("Bavariya"), Toma Lemar ("Monako") yoki Balde Keyta ("Latsio") transferi ustida ish olib boradi.
— deya xabar beradi uff.uz nashri.