Ispaniya chempionatining so'nggi turi – deyarli barcha masalalar hal qilingan, kim La Ligani tark etishiyu, qaysi jamoalar EChL va ELga yo'l olishlari... Xatto «Sosedad»ning so'nggi daqiqalardagi goli ham bitta shartga ko'ra bilbaoliklarni EL yo'llanmasidan quruq qoldiradi. U ham bo'lsa «Alaves»ning Ispaniya Kubogida g'olib chiqishi. Ushbu turda faqat birgina masala ochiq qolgan edi, u ham bo'lsa - chempionlik! Bu savolga esa o'yinning ikkinchi daqiqasidayoq javob berildi. Iskodan ajoyib pasni qabul qilib olgan Krishtiano Ronaldu «Malaga» darvozaboni va himoyachisini aldab, ochiq qolgan darvozaga to'pni joylab qo'ydi va chempionlik masalasini deyarli hal qilgan gol muallifiga aylandi. «Real» bunday uchrashuvlarda natija uchun qanday o'ynash kerakligini yaxshi bilardi, hamda buni amalda isbot etdi. «Madrid» o'z tarixidagi 33 chempionlikni nishonladi va bunga besh deganda erishdi. Zinedin Zidan mavsum oldidan bergan ilk va asosiy va'dasining ustidan chiqdi – u La Liga chempionligini qo'lga kiritdi. Qiziqarli ma'lumot va faktlar «Real» va «Yuventus» o'z mamlakatlarining eng sovrindor jamoalari hisoblanishadi. Ular 33 bor milliy chempionat g'olibligini qo'lga kiritganlar. «Real» Ispaniya chempionligini «Santyago Bernabeu»da EChL finalidan so'ng nishonlaydi. Bugun klub faqat shahar meriyasida bo'ladi va bir qator rasmiy marosimlarda ishtrok etadi. Xames Rodriges – La Liga chempionligini qo'lga kiritgan ilk kolumbiyalik futbolchi. «Real» o'z tarixida ilk bor Primeraning har bir (38 ta) uchrashuvida gol kiritishga erishdi. Krishtiano ushbu mavsum terma jamoa va klubning 50 ta o'yinida 50 ta gol kiritdi. Zinedin Zidan 17 oydan beri «Real» boshqaruvida bo'lib turibdi va frantsiyalik mutahassis ushbu vaqt ichida 4 ta sovringa ega chiqdi. O'tgan haftada «Real» safar uchrashuvlarida «Selta» va «Malaga»dan 6 ochko olishga erishdi. Qizig'i shundaki, «Barselona» bu mavsumda ushbu jamoalar bilan safar o'yinlarida bitta ham ochko ololmagan. Marselo va Serxio Ramos to'rtinchi bor Ispaniya chempioniga aylandilar. Chempionlikdan keyin «Madrid» futbolchilari va boshqa futbolga oid insonlarning ijtimoiy tarmoqlarda qoldirgan fikrlari. Alvaro Arbeloa: Tabriklayman «Real Madrid»! Qirol o'z taxtini qaytarib oldi! Bu onlardan zavqlaning, keyin esa Kardiffga! Karim Benzema: Biz chempionmiz! Barselona klubi: «Real Madrid» klubini 2016/17 mavsum chempionligi bilan tabriklaymiz. Raul: Hala Madrid! Liga chempionlari! Barcha jamoa a'zolarini tabriklayman! Xabi Alonso: Chempionlarni tabriklayman! La Liganing eng kuchli jamoasi. Serxio Ramos: Olg'a, jin ursin !  Xaaaaaaaaaaaa! Isko: Madridliklar, havotir olmang, men «Real Madrid»da qolaman. Ronaldu: Rahmat Zizu. La Liga: Serxio Ramos – Raulning vorisi. Toni Kroos: Bu jamoani sevaman! Marko Asensio: Unutilmas oqshom! Sibelisga kelgan ishqibozlarga va butun mavsum davomida bizni qo'llab turgan barchaga o'z minnatdorchiligimni bildiraman. Rafael Varan: Selfi vaqti «Yuventus» klubi: «Real Madrid»ni La Liga g'olibligi bilan tabriklaymiz. Kardiffda ko'rishguncha! Serxio Ramos: Unutilmas oqshom! La Liga bizniki! ChEMPIONLAR!
Jerar Pike: «Real Madrid»ni chempionlik bilan tabriklayman. Xulosa o'rnida Zidan futbolchi sifatida «Real»da o'chmas iz qoldirgan. Hozirda bu ishni murabbiy sifatida bajarmoqda. Besh yil deganda chempionlik, ketma-ket rekordlar, mag'lubiyatsiz seriyalar, gollarga boy har bir uchrashuv, EChL finaliga ketma-ket ikkinchi bor chiqish va uni yutish imkoniyati, zamonamizning eng yaxshi futbolchilaridan birining mazmunli o'yinlari. Bilasizmi, bularning eng xursand qiladigan tomoni nimada? Ha, biz bu hodisalarga guvoh bo'lmoqdamiz. MADRIDChILAR! «Real»ni qo'llab-quvvatlashda davom eting, unga atab she'rlar, qo'shiqlar ayting. Siz bugun bunga haqlisiz, siz bunga arziysiz. Chunki siz dunyodagi eng yaxshi klubning muxlisisiz! Kardiffdagi uchrashuv qanday bo'lishidan qat'iy nazar, Zinedin Zidan shogirdlari La Ligada buyuk g'alabani qo'lga kiritdilar. Kardiffda ham uddalab bo'lmas ishni bajararishga umid qilamiz va albatta bunga ishonamiz, keyin «Santyago Bernabeu»da qo'shaloq bayramni nishonlaymiz. HALA MADRID!!!
— deya xabar beradi uff.uz nashri.