“Sho'rtan” – “Bunyodkor” uchrashuvidan keyingi matbuot anjumanining birinchi qismida “qaldirg'ochlar” ustozi savollarga javob qaytardi.
- Avvalo, g'alaba qozonganimizdan xursandman. Bevosita uchrashuvga to'xtaladigan bo'lsam, ikki xil taym guvohiga aylandik.
Birinchi bo'limda asosan teng kurash kechdi. Gollar urish uchun vaziyatlar yaratdik, ammo dastlabki taymda maqsadimiz amalga oshmadi. Biroq tanaffusdan keyin o'yin tizginini o'z qo'limizga oldik va ketma-ket ikkita gol urib oldinga chiqib oldik.
Shundan so'ng biroz xotirjamlikka berildik. Natijada “Sho'rtan”da hisobni tenglashtirish, xatto oldinga o'tib olish uchun imkoniyatlar bo'ldi. Baxtimizga darvozabonimiz yaxshi harakat qilib, g'alabani ushlab qoldik, - deydi Mirjalol Qo'shoqovich.
— deya xabar beradi uff.uz nashri.