O'zbekiston milliy terma jamoasi va Moskvaning “Lokomotiv” klubi a'zosi Vitaliy Denisov Rossiya futbol ittifoqi (RFI) tomonidan Rossiya futbol Premer-ligasi (RFPL)ning 2016/17 yilgi mavsumida eng yaxshi chap qanot himoyachilari qatoridan joy oldi.  
Kecha, 22 may kuni Rossiya futbol ittifoqi Rossiya chempionati 2016/17 yilgi mavsumining eng yaxshi 33 futbolchisi nomini e'lon qildi. Mazkur 33 talik ro'yxatda har bir pozitsiyaga uch nafardan futbolchi tanlab olindi.
O'zbekiston terma jamoasi himoyachisi Vitaliy Denisov chap qanot himoyachisi pozitsiyasida “Spartak” vakili Dmitriy Kombarov xamda “Zenit” futbolchisi Dominiko Krishito bilan eng yaxshilar qatorida e'tirof etildi.
Ma'lumot uchun, “Lokomotiv” Moskva jamoasi Rossiya chempionatini 16 jamoa orasida 8-o'rinda tugatdi. Shuningdek, “temiryo'lchilar” Rossiya Kubogini qo'lga kiritgan holda Evropa Ligasida ishtirok etish huquqini qo'lga kiritdi.
— deya xabar beradi uff.uz nashri.