Demak, xabarlarni uzatishda davom etamiz. Bugun UFF.uz vakili San'at Sharipov UEFA tomonidan ertangi o'yinda ishlash huquqini beruvchi akkreditatsiyaga ega bo'ldi. Ayni paytda u stadionning bevosita maydonida joylashgan. U erda o'yinga tayyorgarlik ishlari olib borilmoqda. Buyog'ni uning o'zidan eshitamiz... ***** "Frends Arena" stadionining media-markazida butun dunyodan keladigan 180ta jurnalist uchun joy ajratib qo'yilgan. Ular orasida O'zbekiston vakiliga ham maxsus joy belgilangan.  
Xullas, media-markazda ish qizimoqda. Darvoqe, bir yangilik bor: bugun "Manchester Yunayted" klubining o'yin oldi matbuot-anjumani bekor qilingan. Sababi, kecha Manchester shahrida sodir etilgan terrorchilik oqibatida klub ma'muriyati UEFAdan ushbu tadbirni o'tkazmaslikni so'ragan. Chunki, bu ularning ko'ngillariga sig'mayapti.
UEFA esa "MYu"ning murojaatini qabul qildi.
Bugun faqatgini mahalliy vaqt bilan soat 18.30da "qizil iblislar" belgilangan rasmiy mashg'ulotni o'tkazishadi. Jurnalistlarga bo'lsa futbolchilarni kuzatish va o'rganish uchun 15 daqiqali vaqt beriladi. Stadion atrofida xavfsizlik choralari kuchaytirilmoqda. Bilishimizcha, ertaga muxlislarni 2-3ta bosqichli tekshiruvi amalga oshiriladi. Tashkilotchilarning ta'kidlashlaricha, o'yinga hamma narsa shay qilib qo'yilgan. Hozirda maxsus guruhi stadionning chimini ko'zdan kechirmoqda.
Hozircha shular, birozdan keyin yana aloqaga chiqishni rejalashtirganmiz. San'at Sharipov, "Frends Arena" stadioni, Stokgolm
UFF.uz sayti uchun maxsus  
— deya xabar beradi uff.uz nashri.