Yaqinda zamonamizning etuk murabbiylaridan biri bo'lgan Diego Simeone tug'ilgan kunini nishonladi. Shu munosabat bilan Soccer.ru argentinalik mutaxassis faoliyatidagi o'ziga xos jihatlarni e'tiboringizga havola etishni lozim topdi. «Atletiko». Madridlik «matraschilar» - Simeone hayotidagi bosh jamoa. Diego o'z taqdirini 3 marta «Atletiko» bilan bog'ladi - 2 marta futbolchi maqomida, keyin esa murabbiy. So'nggi hamkorlik davom etmoqda. 90-yillarning o'rtalarida El Cholo (Simeonening taniqlilik belgisi) Xesus Xil rahbarligi ostida «hindular» bilan shohsupaga ko'tarildi, 2000-yillar o'rtasida Fernando Torres sardorligi ostida to'p surdi. 2011 yildan boshlab esa murabbiylik lavozimida muvaffaqiyatli faoliyat yuritmoqda. Uning davrida «Atletiko» Ispaniya chempionligi, qirol va Evropa kuboklari, Ispaniya hamda Evropa superkuboklariga sazovor bo'ldi. Shuningdek, 2 marta EChL finaliga qadar etib bordi. Buvi. Argentinalik buvilarga shon-sharaflar bo'lsin! Lionel Messidek daho aynan buvisi Seliyaning qistovi bilan futbol doshqozonida toblandi, Simeonening buvijonisi esa o'z nabirasini chinakam erkak qilib tarbiyaladi. Oqibatda bolakay aynan buvisi tasavvuridagi jentlmen bo'lib voyaga etdi.   Buvisidan qimmatli maslahatlar bilan birgalikda o'ta kuchli ehtirosni ham meros qilib oldi. O'z vaqtida «Valensiya»da yordamchi murabbiy vazifasini o'tagan Fil Nevill Simeonega shunday ta'rif bergandi: «g'alabaga erishish uchun bu yigit hatto o'z buvisiga qarata o'q uzishga tayyor!». Albatta, bu - badiiy o'xshatish. Lekin angliyalik mutaxassis bir narsa deyishdan avval yaxshilab o'ylab olsa, zarar qilmasdi. «Veles Sarsfild». Katta futbol yo'llanmasini Simeonega «Boka Xuniors» ham, «River Pleyt» ham bergan emas. Bu vazifani Buenos-Ayresning kamtarin jamoasi - «Veles Sarsfild» amalga oshirgan. Gvardiola. Xosep bilan Diego turlicha maqomlarda duch kelishgan. Simeonening o'z asarida yozishicha, uchrashuvlarning birida u Gvardiolaning oyog'iga tepgan. «Atletiko»ni esa aynan Xosepning «Barselona»ga yirik hisobda yutqazganidan so'ng bir hafta o'tgach murabbiy sifatida qabul qilgan. O'sha mavsumning 2-davrasida ham g'alaba kataloniyaliklarga nasib etgan. Lekin 4 yildan keyin Simeone Gvardioladan qasdini oldi - «Atletiko» «Bavariya»ni EChL yarim finalida musobaqadan chiqarib yubordi. Devid Bekxem. Bu mashhur futbol yulduziga nisbatan Simeone bir marta o'ta nozik ayyorlikni ishlatgan. Mazkur voqea JCh-1998 chorak finalida, Angliya-Argentina bahsida yuz bergandi. Avvaliga Diego Devidga qo'pollik ishlatib, keyin u javob qaytarishi uchun jig'iga tekkandi. Oqibatda Bekxem qoidabuzarlik uchun maydondan chetlatilgandi. «Bu erda jamoa g'alabasi o'rtaga qo'yilgandi. Shu bois, men o'zgacha yo'l tuta olmasdim. Aks holda, biz mag'lubiyatga uchrardik. Devidning zarbasi kuchli emasdi. Lekin men vaziyatdan foydalanib qoldim. Bu - futbol. Ba'zan seni o'yindan chetlatishadi, ba'zan raqibingni», - deya izoh bergandi o'shanda Diego. Vazifa. Simeonening bosh maqsadi - jamoani kun sayin mukammal darajaga olib chiqish. qaysidir jihatga zarracha bo'lsada sayqal berish. Futbolchilarga individual yondashuvning yaxshi samara berishiga Diego shubha qilmaydi. Har bir shogirdining texnik mahoratini oshirish yo'lida barcha choralarni qo'llaydi, ular bilan alohida suhbatlashadi. «Shogirdlarim kamoliga guvoh bo'lish - men uchun oliy mukofot!». «Inter». O'tgan yili Diego Simeone tan oldi: «qachondir «Inter»ga ustozlik qilishimni hamma biladi». Hozir esa shunday mish-mishlar paydo bo'ldiki, unga ko'ra, jamoa Simeoneni o'z tarkibiga jalb etishga juda ishtiyoqmand ekan. Shu bois, murabbiyga maosh belgilash ixtiyorini uning o'ziga berish niyatida ekan. Aytgancha, bir paytlar argentinalik mutaxassis «Latsio»ga ham aynan shu mazmundagi va'dalarni bergandi. Fidoyilik. Simeone shogirdlarining o'ta noyob iqtidor egasi emasliklariga ko'nika oladi. Lekin o'yinga bor kuch-mahoratini sarflamagan futbolchini aslo kechirmaydi. «Mening jamoamda noshudlarga o'rin yo'q. Iqtidor borasida bahslashish, munozara qilish mumkin. Ammo fidoyilik darajasi muhokama qilinmaydi. Bu - qonun!» Luchesku. Aynan shu ruminiyalik murabbiy Diegoning Evropaga kelishiga sababchi bo'ldi. Mircha Luchesku argentinalik yarim himoyachini «Piza»ga taklif etgandi. Bir necha yillardan so'ng ular «Inter»da uchrashishdi - Simeone Luchesku sxemasidagi asosiy figura edi. Maradona. Ikki mashhur nomdoshlar - Simeone va Maradona bir mavsumdan «Sevilya»da to'p surishgan. Hamkorlik Simeoneda kuchli taassurot qoldirgan: «Maradona mening yanada kuchliroq bo'lishimga yordam berdi. U bilan yonma-yon to'p surish - ulkan mas'uliyat va jannatga xos lazzat!». Murabbiylik faoliyatining ilk bosqichida esa «River Pleyt»ni boshqargan El Cholo «qirol»ning tan olinmagan vorisi - kichik Diego Maradonaga ustozlik qilgandi. Neapollik. Argentinalik aksariyat futbolchilarning kelib chiqishi aynan shu ko'hna shahar aholisi bilan bog'liq: familiyalarning o'ziyoq izohga hojat qoldirmaydi. Simeonening avlodlari ham Italiya janubidan. Neapolliklarga xos ehtiros va jo'shqinlik. Olimpiada. Simeone faoliyatidagi yirik omadsizliklardan biri. 4 yillikning asosiy sport musobaqasida Argentina g'oliblikni Nigeriya terma jamoa­siga boy berib qo'ydi. Oqibatda Diego va yana bir qator yorqin yulduzlar (Krespo, Zanetti, Ayyala) Olimpiada oltin medallaridan chetda qoldilar. «Ishonch». Diego Simeone o'z kitobini shunday nomladi. Ha, u o'ta noyob iqtidor sohibi emasdi, buyuk murabbiylar safidan joy olishiga ham deyarli asoslar yo'q edi. Biroq unda ishonch juda kuchli edi. Mana natija! «Real».  DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.