Mana, orziqib kutilgan kunga ham etib keldik. Bugun Shvetsiya davlatining Stokgolm shahridagi "Frends Arena" stadionida Evropa Ligasi musobaqasining final uchrashuvi bo'lib o'tadi. Unda Gollandiyaning "Ayaks" hamda Angliyaning "Manchester Yunayted" jamoalari bosh sovrin uchun kurash olib borishadi.
Yaxshi bilasiz, mazkur ikki klub shu bosqichgacha hammadan ko'p yo'lni bosib o'tgan.
Kelasi yili Evropa Chempionlar ligasida ishtirok etishni qo'lga kiritish niyatida Evropa Ligasining finaligacha etib kelgan Joze Mourinyu shogirlari bugungi uchrashuvda nima bo'lmasin vazifalarini oxirigacha etkazib qo'yishga harakat qilishadi.
Kuni kecha Manchester shahrida 22 kishining nobud bo'lishiga olib kelgan portlashdan so'ng, UEFA buguni uchrashuv yuqori xavfsizlik choralari ko'rilishini ta'kidladi.
"Manchester Yunayted" bugun "Ayaks"ga qarshi beshinchi bor Evropa musobaqalari doirasida maydonga tushadi. Garchi, ko'pchilik angliyaliklarning g'alabasini bashorat qilayotgan bo'lsada, "Ayaks" ushbu o'yinga juda ham mahoratli yosh o'yinchilarini sahnaga chiqaradi va "MYu"ga etarlicha qarshilik ko'rsatadi.
Bugungi uchrashuv oldidan "Ayaks"da biroz ustunlik bor. Chunki gollandlar so'nggi rasmiy uchrashuvni 14 may kuni mamlakat chempionati doirasida o'tkazgan edilar. Bugungacha ancha kuchga to'lib kelishgan.
"Yunayted" esa, aksincha og'ir mavsumdan so'ng (jarohatlar va disklifikatsiya) yaxshigina charchoq bilan final ostonasida turishibdi.
So'nggi uchrashuvda Deyli Blind, Markos Reshford va klubning ushbu mavsumdagi eng yaxshi o'yinchisi Ander Erreraga dam bergan Mourinyuning ushbu o'yinchilardan umidi katta. Aynan portugaliyalik mutaxassis Evropa Ligasining mohiyatini o'ylab, Angliya Premer-ligasidagi so'nggi uchrashuvlarga unchalik e'tibor qaratmadi. Sababi, Evropa ligasini yutish orqali u EChLga chiqishni maqsad qilgan.
Hech kimga sir emas ko'pchilik futbol ekspertlari angliyaliklarning imkoniyatlarini yuqori baholashmoqda. Aslida ham shunaqa bo'larmikan? Bu savolga kechroq javob olamiz.
Markos Roxo, Erik Bayi yo'qligi "Manchester Yunayted" uchun yo'qotish hisoblanadi. Biroq, "qizil iblislar" uchun katta yo'qotish – bu Zlatan Ibragimovichning o'z uyidagi final o'yinida o'ynay olmasligidir. Ammo, "MYu" tajribali futbolchilar bo'lgan Xuan Mata va Ueyn Runilarga umid qilishi ham mumkin.
"Ayaks" bugungi o'yinda o'z tarixidagi eng yosh o'yinchilarni maydonga chiqaradi. Ularning o'rtacha yoshi 22 ga to'g'ri keladi. Boz ustiga amsterdamliklar ushbu mavsumni bir tekisda o'tkazishdi. Jastin Klyuyvert va Bertrand Traore ikki qanotda Kasper Dolbergni to'p bilan taminlashga urinadi. Mana shu iqtidorlarni o'yinini ko'pchilik kuzatib borishi turgan gap.
Bizning taxminiy tarkib:
"Ayaks": Onana, Veltman, Sanchez, De Ligt, Redevald, Van de Beek, Schone, Klaassen, Klyuyvert, Traore, Dolberg
"Manchester Yunayted": Romero, Valenciya, Jons, Blind, Darmian, Pogba, Karrik, Errera, Lingard, Reshford, Mxitaryan
Bizning taxminiy hisob: "Ayaks" - "Manchester "Yunayted" — 1:2 San'at Sharipov, Stokgolmdan
UFF.uz sayti uchun maxsus
— deya xabar beradi uff.uz nashri.