Bugun Stokgolmdagi «Frends Arena» stadionida EL-2016|2017 finali bo'lib o'tadi. FIFA referisi Damir Skomina boshqarib boradigan uchrashuvda «MYu» va «Ayaks» klublari nafaqat kubok, balki ChLning bitta yo'llanmasi taqdiriga oydinlik kiritadi. Evropa Ligasi  (UEFA Europa League)ning 1971 yili tashkil etilgan UEFA kubogi davomchisi va qit'ada nufuzi jihatidan ChLdan so'ng ikkinchi o'rinda turadigan turnir ekanligi barchaga ma'lum. Umumiy ma'lumot va faktlar 1971|1972-2008|2009 yillar mavsumi oralig'ida UEFA kubogi nomi ostida tashkillashtirilgan turnirda avvallari (mavsum-1998-1999ga qadar) mamlakat kubogi sohibi bo'lgan jamoalar ishtirok etmagan. Sababi, o'sha vaqt Kubok egalari kubogi musobaqasi bor edi. Umuman olganda, UEFA kubogi ham boshqa bir turnir - Yarmarkalar kubogi vorisi sanalardi. To'g'ri, Evropa futbol uyushmasi Yarmarkalar kubogini rasman tan olmagan. Bunga isbot o'laroq, «Lids» klubini keltirish mumkin. Zero, Yarmarkalar kubogida 2 marta zafar quchgan bu jamoa UEFAning evrokuboklarda g'olib chiqqan klublar ro'yxatiga kiritilgan emas. *** UEFA kubogining birinchi sohibi sifatida «Tottenxem» tilga olinadi. Londonliklar 1972 yili 2ta o'yin natijasiga ko'ra, Angliyaning yana bir vakili «Vulverxempton»ni 3:2 hisobida engishgan. *** Umumiy hisobda turnir bosh sovrini 26ta klubga nasib etgan. Shulardan 15tasi 2 yoki bundan ko'p marta zafar quchgan. «Sevilya» bu borada rekordchi hisoblanadi - Ispaniya klubi 5 marta bosh sovrin sohibiga aylangan. *** Davlatlar bo'yicha hisob-kitobda Ispaniya yaqqol etakchi - bu mamlakat jamoalari hisobida jami 10ta kubok bor. *** 4ta klub UEFA kubogi|ELda g'alaba qozonish barobarida o'z mamlakatida ham chempion bo'lgan: «Gyoteborg» (1982 yil), «Galatasaroy» (2000 yil), «Portu» (2003 va 2011 yillar) hamda TsSKA M. (2005 yil).  *** «Tottenxem», «Borussiya» M., «Gyoteborg» (2 marta), «Ayaks», «Galatasaroy» va «Feyenoord» klublari kubokni birorta marta mag'lubiyatga uchramagan holda qo'lga kiritgan. «Espanol» esa finalgacha mag'lubiyatsiz odimlab, hal qiluvchi uchrashuvda imkoniyatni boy bergan. *** «Gyoteborg» 1980-1987 yillar oralig'ida UEFA kubogi doirasidagi 25ta uchrashuvda biror marta mag'lubiyat alamini totib ko'rmagan. Mukofot jamg'armasi EL guruh bosqichiga yo'l olgan jamoa 640000 evro oladi. Shuningdek, har bir uchrashuv uchun qo'shimcha 60 ming evro beriladi. Guruh raundidagi 1ta g'alaba esa  140 ming, durang 70 ming evroga baholangan. «Pley-off» bosqichlari uchun ham alohida mukofot puli ajratilgan: 1|16 final - 200 ming evro; 1|8 final - 300 ming evro; 1|4 final - 400 ming evro; 1|2 final - 700 ming evro. Finalchiga 2 million nasib etsa, g'olib jamoa 3 million evro oladi. Taqqoslash uchun keltirsak, ChL guruh bosqichiga yo'l olgan jamoaga 3,9 million evro tegadi.  Homiylar Tabiiyki, Evropa klub futbolidagi ikkinchi darajali turnirni moliyalashtirishda ham homiylar katta rol o'ynashadi. FedEx ELning asosiy homiysi sanaladi. Enterprise Rent-A-Car, Hankook Tire Amstel, UniCredit, Adidas va Konami esa ikkinchi darajali homiy maqomida. UEFA kubogi|ELda eng ko'p o'yin o'tkazgan futbolchilar DAVOMI InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.