Kataloniyaning “Barselona” klubi himoyachisi Xerar Pike “Yuventus” darvozaboni Janluiji Buffon “Oltin To'p” sovrinini yutishidan umidvor bo'lmoqda. “Agar Buffon “Oltin To'p”ni qo'lga kiritsa ajoyib ish bo'lardi. Buffon – bir necha marta Italiyada chempion bo'ldi, Jahon Chempionatida sovrindor bo'ldi. Endi navbat Evropa Chempionlar ligasi musobaqasi bosh sovrinini qo'lga kiritishga keldi. Jiji bu sovrin uchun etarli mehnatni amalga oshirib bo'ldi va endi shu sovrinni qo'lga kiritishi zarur. Lev Yashindan keyin yana bir darvozabon “Oltin to'p”ni yutishiga hech kim qarshilik ko'rsatmasligi kerak”, - deydi Pike AS nashriga bergan intervyusida. Eslatib o'tamiz, 3 iyun kuni “Yuventus” EChL finalida Madridning “Real” klubiga qarshi final uchrashuvida maydonga tushadi. “Oltin To'p” sovrini egasi ham katta ehtimol bilan aynan mana shu o'yin natijasiga bog'liq bo'ladi.
— deya xabar beradi uff.uz nashri.