Bugun Evropada katta futbol bayrami. Bugun Evropa ligasi finalida “Ayaks” va “Manchester Yunayted” jamoalari o'zaro to'qnash kelishadi. “AYaKS” — ShIDDAT, TEZKORLIK VA ShIJOAT Ehtimol, bir qarashda “Ayaks” mazkur to'qnashuvda autsayderdek tuyilar, biroq mazkur jamoaning tezkorligi va shiddati “Manchester Yunayted”nikidan yuqoriroq. Boisi, mazkur jamoada nisbatan yosh futbolchilar to'p surishadi, ular hali futbolga chanqoq, ularda tezkorlik yuqori, ular Pogba va shunga o'xshash og'irkarvon futbolchilarni bir hamlada ortda qoldirib ketishlari mumkin tezlikda, albatta. Qolaversa, “Ayaks”ning yutqazadigan narsasi yo'q, agar jamoa mag'lubiyatga uchraganida ham Gollandiyada futbolchilarni katta xursandchilik bilan kutib olishadi, boisi “Lion”ni engib, Evropa ligasiga finaliga chiqqanlarining o'ziyoq yosh futbolchilardan tuzilgan jamoa uchun katta natija. Qolaversa, raqib “Manchester Yunayted”, o'rtamiyona jamoa emas. Biroq “Ayaks” g'alaba uchun o'ynashi tayin. Axir kim ham tarixga kirishni istamaydi, deysiz. Agar “MYu”ni mag'lub etib, Evropa ligasi bosh sovrinini qo'lga kiritishsa, bolakaylar o'ziga xos rekord o'rnatgan bo'lishadi (ehtimol, eng yosh chempionlarga aylanishar). Buning uchun esa qo'llaridan kelgan barcha narsani amalga oshirishadi, bu ular uchun so'nggi imkoniyat. Xullas, “Ayaks”da hammasi joyida — yo'qotishlar yo'q, ortiqcha bosim yo'q, qo'rquv yo'q. G'oliblikka ishtiyoq katta, intilish katta. “MANChESTER YuNAYTED” — TAJRIBA, MAHORAT VA BOSIM Joze Mourino shogirdlarida esa vaziyat biroz boshqacharoq. Agar “qizil iblislar” mag'lubiyatga uchragudek bo'lishsa, Manchesterda ularni juda yomon qarshi olishlari aniq. Qolaversa, shu birgina mag'lubiyat jamoani barcha narsadan mahrum qiladi. Shu bois Mourino shogirdlari katta bosim ostida harakat qilishlari tabiiy.
“Manchester Yunayted”ga tajriba qo'l kelishi mumkin agar bu tajribadan o'rinli foydalana olishsa. Tan olish kerak, bugungi o'yinda raqib juda tezkor o'ynashi kutilmoqda. Demak, shunday o'yinga tayyor turish, tezkorlikni tajriba yordamida to'xtatib qolish lozim yoki bor imkoniyatni ishga solib, tezkorlikka tezkorlik bilan javob berish kerak. Jamoa safida tajribali futbolchilar ko'pligi o'zingizga ma'lum. Aynan shu jihatdan Mourinyu shogirdlari ustunlikka erishishi mumkin. Davomi
— deya xabar beradi uff.uz nashri.