Turinning “Yuventus” klubi Italiya chempionligini qo'lga kiritganidan so'ng ijara asosida o'ynayotgan "Chelsi" futbolchisi Xuan Kuadrado to'laqonli "Yuve" futbolchisiga aylandi. Kuadrado 2015/16 yildan boshlab “Yuventus”da ijara asosida to'p surib kelardi. Xuan ikki yil davomida "Yuventus" bilan ikki marta "A" Seriya chempioni bo'ldi. Joriy mavsum esa Evropa Chempionlar Ligasi finaliga qadar etib keldi.  Ma'lumot uchun, Kolumbiya terma jamoasi futbolchisi “Chelsi” safiga 2015 yil kelib qo'shilgan va klub tarkibida 15 uchrashuvda maydonga tushgan. Kuadrado faoliyati davomida "Chelsi"ga APLda chempionlikni va Liga Kubogini qo'lga kiritishda o'z hissasini qo'shgandi.
— deya xabar beradi uff.uz nashri.