Barchangizni Stokgolm shahridagi "Frends Arena" stadionidan qutlaymiz.
Yana bir necha soatlardan keyin bu erda "Ayaks" hamda "Manchester Yunayted" klublari o'rtasidagi Evropa Ligasining final uchrashuvi bo'lib o'tadi. O'yinga bo'lgan qiziqish tobora otrib bormoqda.
Bironta ham chipta qolmagan. Hatto ko'chalarda "chipta uchun 500 evro beraman" degan yozuvlarni ushlab olgan muxlislarni ko'rish mumkin. Darvoqe, allaqachon stadion atrofiga muxlislarning kelishi boshlangan. Mahalliy politsiya xodimlari va tashkilotchilar hamkorligida chuqur tekshirish ishlari yo'lga qo'yilgan.
Har bir muxlis kamida 3ta "kardon"dan o'tishi kerak bo'ladi. Har bir buyum va liboslar sinchkovlik bilan tekshirilmoqda.
Yaxshi bilasiz, Manchester shahridagi sodir etilgan portlash oqibatida kecha "Manchester Yunayted" jamoasi matbuot-anjumanini o'tkazmagan edi. Mahalliy vaqt bilan soat 21:45 larda amerikalik xonanda Ariana Grande kontsert berayotgan paytida "Manchester Arena"da kuchli portlash yuzaga kelgan. Mazkur voqeadan xavfsiragan mahalliy hukumat xavsizlik choralarini kuchaytirgan. O'yin 1 daqiqali sukut saqlash bilan boshlanadi.
Stadioning bevosita media-markazida jurnalistlar o'z ishlari bilan bo'lishyapti. UEFA ular uchun kerakli ishlarning barchasini amalga oshirgan.
Maydon chimining holati ham ideal darajada deb tan olindi. Xullas, o'yinga barchasi shay qilib qo'yigan.
Translyatsiya huquqini sotib olgan TV vakillari o'zlarining kameralari va ovoz uzatish tizimlarini sozlash balan bandlar.
Murabbiylarga kelsak Joze Mourinyu quyidagilarni aytib o'tdi:
"Barchamiz Manchesterda bo'lib o'tgan voqeadan afsusdamiz. Uniing asoratini boshimizdan chiqarib tashlay olmayapmiz. Qanchadan qancha qurbonlar bo'ldi, ularning oilalari taqdiri yurakni esmoqda.
Bizda ish bor: Shvetsiyaga uchishimiz kerak edi, shunday ham qildik, ishimizni tugatish kerak edi. Afsuski, endi bil baxt va quvonch bilan yurtimizga qayta olmaymiz. Umid qilaman, butun Manchester shahrida biz bilan birga birlashadi".
Piter Bosh esa o'z fikrlarini quyidagicha izohladi:
"Agar futbolchilarim hayajonlanmaganda ularni shifokor huzuriga yuborgan bo'ladim. Ularni katta hayajon bosmoqda. Bu tadiiydir, chunki ular uchun birinchi final bu.
Agar o'z o'yinimizni qilsak "Manchester Yunayted"ni enga olamiz. Futbolchilarim hali yosh, shuning uchun ularni tayyorlashim kerak".
Ko'rib turganingizdek, buyog'iga faqat o'yinni kuzatish qoldi. Ikki jamoa ham o'yinga tayyor ekanligini bildirdi.
Kuchlilarga omad yor bo'lsin deb qolamiz. San'at Sharipov, "Frends Arena" stadionidan
UFF.uz sayti uchun maxsus    
— deya xabar beradi uff.uz nashri.