Mamlakat XXVI milliy chempionatining 12-turida “Metallurg” o'z maydonida oliy liganing eng kuchli va nomdor jamoalaridan biri, Qarshining “Nasaf” kulibini qabul qiladi. Mazkur jamoalar bugungacha oliy liga bahslarida 38 bora to'qnash kelishgan.
Shulardan 25 tasida qarshiliklar g'alaba qozonishgan bo'lishsa, 9 uchrashuvda “Metallurg” “Nasaf”ni taslim etgan. 4 ta o'yinda esa g'olib jamoa nomi aniqlanmagan, kuchlar teng kelgan. To'plar nisbati “Nasaf” foydasiga 67:30. O'zaro o'yinlarda “Nasaf” 79 ochkoli bo'lgan, “Metallurg” esa 31 ochkoni qo'lga kiritgan.
“Nasaf”ning Bekobod klubi ustidan qozongan yirik g'alabasi – 7:0 ga teng. “Metallurg” esa ushbu raqibini 3:0 hisobida mag'lub eta olgan.
Mazkur jamoalarning o'tgan mavsumdagi har ikkala uchrashuvida mezbonlar zafar quchishgandi. Qarshidagi o'yinda mezbonlar “Metallurg” darvozasini javobsiz 3 marta ishg'ol etishgan bo'lsa, Bekoboddagi uchrashuv taqdirini Dilmurod Karimov tomonidan kiritilgan yagona gol hal etgandi.
Bekobodda bo'lib o'tgan so'nggi besh uchrashuv:
16.05.2016 «Metallurg» – «Nasaf» 1:0
30.09.2015 «Metallurg» – «Nasaf» 0:1
12.09.2014 «Metallurg» – «Nasaf» 0:2
29.09.2013 «Metallurg» – «Nasaf» 2:1
18.08.2012 «Metallurg» – «Nasaf» 1:0
O'zaro o'yinlar haqida fakt: “Metallurg” Bekobodda bu raqibni 8 marta mag'lub etgan. "Ajdarlar" ham ma'danchilar maydonida 8 bor g'alaba qozonishgan. Uchta uchrashuvda esa durang kuzatilgan.
— deya xabar beradi uff.uz nashri.