Paolo Dibala “Barselona”ga qarshi o'yinda ikkita gol urishiga sal qoldi. Yaqinda esa Argentina terma jamoasida Messining o'rnini bosadi. “Men Dibalani “Kvadrat R2”ga o'xshataman. Chunki “Playstation”da bu aylantiruvchi zarba hisoblanadi. U hamisha to'pni aylantirib tepadi. Uning o'yinidan hayron qoldimmi? Yuq, chunki men hamisha aytganman: u – ajoyib o'yinchi. “Yuventus” jamoasida bu darajada o'ynash ajoyib natija hisoblanadi”. 21 raqam haqida gap ketsa, eng qimmat va maqtanchoq o'yinchi Pol Pogba ko'z oldimizga keladi. Biroq Paolo va Pol boshqa-boshqa o'yinchilardir. Pogba reklamalarda suratga tushayotgan bir paytda Dibala “Yosh muxbir” matbuotidagi 5-11 yoshdagi bolakaylarga intervyu beradi. “Jurnalistlar ko'pincha fgar ortga qaytganimda, nimani o'zgartirishim haqida savol berishadi, — deb tan oladi Paolo. — Men esa shunday javob beraman: “O'ng oyog'im bilan juda ham yomon o'ynayman. Ortga qaytganimda, o'ng oyog'im bilan ko'proq shug'ullanardim. Chunki u chap oyog'im kabi yaxshi harakat qilmaydi. “Palermo”da o'ynagam paytimda bu narsa xayolimga ham kelmagan”. Paoloni Messi bilan taqqoslab turishadi, biroq u Dibala bo'lgisi keladi. Ikkita gol ura turib, uchinchi golni ham urgisi keladi. Yoshligida uni “Ruhoniy” va “Olmos” deya atashgan. Birinchi laqabiga uning ozg'inligi sabab bo'lsa, ikkinchisiga esa 17 yoshda bo'lsa-da, “Instituto” jamoasida to'purar bo'lgani uchun munosib ko'rilgan. 15 yoshida uning otasi saraton kasalligi sabab olamdan o'tadi. Bu fojiadan so'ng Paolo “Instituto” bazasida tunaydigan bo'ladi. Otasining o'zi Dibalani mashg'ulotlarga olib borardi. Bir niyatda o'g'illaridan birontasi futbolchi bo'lishini niyat qilib. Ikki akasi futbolchi bo'la olmadi, ammo Paolo otasining orzusini amalga oshirdi. Endilikda hujumchi har bir golini otasiga bag'ishlaydi, uning ikki akasi esa Dibalani ruhlantirishga tayyorlar. Dibala “Boka”ga muxlislik qilishni xohlardi. Biroq uning akalari “Xuniors”ni yomon ko'rishadi, shuning uchun akalaridan qo'rqib, muxlislik ham qilmagan. “Palermo”ga o'tgan bolakay Jennaro Gattuzo qo'liga tushadi. Gattuzoning shaxsan o'zi uni tarbiyasiga oladi. “Agar men Gattuzoni aldasam, u meni yiqitardi. Shunday qilib u yiqilgan paytimda qanday turishim kerakligini o'rgatardi va bu narsa bir necha marotaba qaytarilardi. To'g'risiyam-da, noligandan nima foyda, agar hakam senga faqat sariq kartochka ko'rsatsa. Vaqt o'tgach zarbalarga ham o'rganib qoldim”. “Palermo” prezidenti Mauritsio Dzamparini yosh argentinalik hujumchi o'z o'yinini to'laligicha ko'rsatishi uchun qo'lidan kelgan barcha ishni qilgan. Qaysi murabbiy Dibalani maydonga chiqarmasa, mehnat daftarini qaytarib qo'liga olgan. Natijada Franko Vaskes bilan ajoyib tandem yaratdi. Ko'p grand jamoalar Vaskesni kuzatish uchun kelgan, kelgach, Dibalani payqab qolishgan. “Biz yangi Serxio Agueroni qo'lga kiritdik”, — deb aytib o'tgan “Palermo” rahbariyati. “Barsa”ga qarshi dublidan keyin muxlislar uning ismini baland ovozda kuylashardi Davomi
— deya xabar beradi uff.uz nashri.