“Manchester Yunayted” va “Manchester Siti” Manchesterda bo'lgan portlashdagi jabr ko'rganlarning qarindoshlariga 1 million funt miqdoridagi pulni yordam sifatida ajratishdi. Bu haqda har ikki klubning matbuot xizmati xabar bermoqda. “Manchesterning ikki klubi vakillari shaharni qo'llab-quvvatlash maqsadida birlashishdi, zero bu shahar ular uchun 120 yildirki uy vazifasini o'tab kelmoqda. Shuningdek, klublar rahbariyati dushanba kuni bo'lib o'tgan mudhish voqea yuzasidan marhumlarning yaqinlariga chuqur hamdardlik bildiradi”, - deyiladi murojaatda. Ma'lumot uchun, teraktda jabr ko'rganlarni qo'llab-quvvatlovchi fond tashkil etilgan bo'lib, so'nggi 24 soat ichida fond hisob raqamida 2 millionga yaqin mablag' to'plangan.
— deya xabar beradi uff.uz nashri.