Dastlabki hujum 2-daqiqada mehmonlar darvozasi oldida tashkil etildi. Uchrashuvdagi hisob 11-daqiqada ochildi. Nosir Otaqo'ziev tomonidan oshirilgan to'pni Suhrob Berdiev raqib darvozasiga aniq yo'lladi. 12-daqiqa mehmonlar o'z darvozalarini ishg'ol etishlariga bir bahya qoldi. Bu erda omad buxoroliklarni goldan qutqarib qoldi. 18-daqiqada burchakdan oshirilgan to'pan keyin raqib darvozasi oldida yana bir xavfli vaziyat vujudga keldi. Akmal Xolmurodovning bergan zarbasiga biroz aniqlik etishmadi. 25-daqiqa buxoroliklar ham xavfli vaziyatga ega bo'lishdi. Ammo Ivan Nagaev ofsaydda qolib ketgandi. 30-daqiqa Jalil Kimsanov tomonidan oshirilgan to'pga Filip Rayevats  eta olmadi. Aks holda… 34-daqiqada Murod Xolmuhammedovning jarimadan tepgan to'pi rikoshet holatda raqib darvozasidan joy oldi. Birinchi bo'limda katta tashabbusga ega bo'lgan jamoamiz tanaffusga 2:0 hisobidagi g'alaba bilan chiqib ketishdi. Ikkinchi taymni ham vakillarimiz ancha faol tarzda boshlashdi. 47-daqiqa Otaqo'ziev – Rayevats kombinatsiyasi yakuniga etmay qoldi. Muxlislar uchun ma'lumot,  o'tgan yili ushbu jamoalarning Qo'qondagi o'yinini aynan Hasan Ro'ziev boshqarib borgandi. Shuningdek, ushbu referi bu yil G'uzorda o'tgan “Sho'rtan”ga qarshi kechgan o'yinni ham boshqargan. 64-daqiqa Javohir Sidiqov bir necha raqiblarni aldab o'tgan holda darvozabon bilan deyarli yakkamaa-yakka holga kirib bordi. Biroq zarbasi kuchsiz chiqdi. 77-daqiqa Nosir Otaqo'ziev o'ta qulay imkoniyatni golga aylatira olmadi. Uning zarbasi yo'liga himoyachilar g'ov bo'lishdi. Oradan bir daqiqa o'tib, mehmonlar hisobni tenglashtirishga muvaffaq bo'lishdi.  Gol muallifi – Akobir To'raev bo'ldi. Oradan yana bir daqiqa o'tib yana o'sha Nosir Otaqo'zievning zarbasi darvoza yonidan o'tib ketdi. Shu tariqa muxlislari ko'z o'ngida hujumkor o'yin namoyish etgan futbolchilarimiz “Buxoro” jamoasini dog'da qoldir va ochkolari sonini 23 taga etkazib oldi. Shuni aytish joizki, futbochilarimiz qo'qonlik futbol ixlosmandlariga yana bir bayramni tortiq  etishdi. Oliy liga, 12-tur «Qo'qon-1912» (Qo'qon) – «Buxoro» (Buxoro) – 2:1 (2:0)
Hakamlar: H. Ro'ziev (Toshkent), O. Abduvasilov (Toshkent), S. Shoyusupov (Toshkent), Sh. Nasibullaev (Namangan)
Nazoratchi: R. Serazetdinov (Toshkent).
O'zPFL vakili: B. Haydarov. Gollar: Suhrob Berdiev – 11, Murod Xolmuhammedov – 34. – Akobir To'raev – 78. “Qo'qon-1912”: 12. Aziz Ashurov, 4. Bahodir Akramov, 5. Jalil Kimsanov, 7. Jamshid Hasanov, 9. Nosir Otaqo'ziev(8. Sobir Hamidov-83) , 10. Javohir Sidiqov, 19. Suhrob Berdiev (17. Avaz Mamatxo'jaev,-90) 24. Ibrohim Rahimov (11. Andrey Sidorov-75), 26. Akmal Xolmurodov, 77. Murod Xolmuhammedov, 99. Filip Rayevats. “Buxoro”: 12. Akmal Tursunboev, 2. Elbek Ravshanov (10. Bahriddin Vahobov-69), 3. Bobur Omonov, 5. Kirill Pasichnik, 9. Nozim Umurov (7. Suhrob Ne'matov – 51), 11. San'at Shixov, 20. Islom Xoliqov (96. Akobir To'raev – 61), 22. Shoxrux Gadoev, 27. Robbim Hasanov, 29. Vladimir Baenko, 77. Ivan Nagaev.
— deya xabar beradi uff.uz nashri.