Ispaniyaning “Sevilya” klubi bosh murabbiyi Xorxe Sampaoli yaqin kunlarda Argentina terma jamoasi boshqaruvini o'z qo'liga oladi. Ma'lum bo'lishicha, Argentina futbol federatsiyasi murabbiyning sobiq jamoasi “Sevilya” bilan kelishuvga erishgan. Bu haqda AFF ning rasmiy tvitter  sahifasi ma'lum qildi. Taxminlarga ko'ra, birinchi iyun kuni Sampaoli to'liq Argentina terma jamoasi boshqaruvini qo'liga oladi. Norasmiy ma'lumotlarda keltirilishicha, “Sevilya” Sampaolini Argentinaga 1,5 million evro evaziga qo'yib yuborishga rozilik bergan. Ma'lumot uchun, sinor Xorxe “Sevilya”da o'tgan mavsumning boshlanish arafasida tashrif buyurgan va andalusiyaliklar joriy mavsum Ispaniya chempionatida 4-o'rinni egallashdi. Eslatib o'tamiz, Sampaoli avvalroq Argentina terma jamoasi futbolchisi Lionel Messini shug'ullantirish orzusi ekanligini aytib o'tgandi.
— deya xabar beradi uff.uz nashri.