"So'g'diyona" bilan o'yindan so'ng "Paxtakor" bosh murabbiyi bellashuv haqida fikrlarini bildirib o'tdi.
Jasur ABDURAIMOV (“Paxtakor” bosh murabbiyi): - Uchrashuv juda asabiy va keskin o'tdi. Muhimi, bellashuv biz uchun yaxshi yakunlandi. Himoyadan hujumga tezkor o'tishda vaziyatlarni yuzaga keltirdik, ammo ulardan foydalana olmadik. Keyin raqib buni jazoladi. Shunga qaramay, Kubokdagi mag'lubiyatdan so'ng ruhiy o'radan chiqa oldik. Bugun 0:1 va 2:2 natijalarida qiyin ahvolga barham berdik. Yigitlar kurashchan xarakterlarini ko'rsatishdi.
Bizda tarkib borasida katta muammo mavjud. Bir xil tarkib uchrashuvlarda ketma-ket maydonga tushaversa, bu charchoqni keltirib chiqaradi. Evropada ham kuchli klublar tez-tez rotatsiyalarni amalga oshiradi. Bizda 12-13 o'yinchi barcha bellashuvlarda tushmoqda. Jismoniy charchoqdan tiklanish mumkin, ammo ruhan juda qiyin bo'ladi. Ushbu tarkib dekabr oyidan beri nazorat uchrashuvlarida o'ynab kelmoqda. Shu sababli yigitlardan minnatdorman.
— deya xabar beradi uff.uz nashri.