Jizzax politexnika instituti sport majmuasida o'tayotgan “Barkamol avlod-2017” musobaqalari doirasidagi voleybol bahslari qiziqarli tus olyapti.
Musobaqaning ikkinchi kuni Xorazm va Farg'ona viloyatlari voleybolchi qizlari 3-o'rin uchun parketga chiqishdi. Unda xorazmlik qizlar o'z mahoratlarini namoyish etishib, muhim g'alabani qo'lga kiritdilar. Ular farg'onalik tengdoshlari ustidan 3:1 hisobida ustun kelib, bronza medali sohibiga aylandilar.
Shu kuni o'smirlar o'rtasida ham “Barkamol avlod-2017” sport musobaqasining voleybol sport turida bronza medali uchun bahslar bo'lib o'tdi. Qashqadaryo va Andijon viloyati jamoalari bellashuvida andijonlik o'smirlar 3:2 hisobida zafar quchishdi.
Manba: barkamol-avlod.uz, olamsport.com
— deya xabar beradi uff.uz nashri.