«Milan» rahbariyati darvozabon Janluijji Donnarumma oldiga qat'iy talab qo'ydi. Unga ko'ra 18 yoshli darvozabon 30 iyunga qadar klub bilan yangi shartnoma imzolamasa, o'rinbosarlar safiga qaytariladi.
Eslatib o'tamiz, Donnarummaga «Manchester Siti» va «Manchester Yunayted»dan qiziqish mavjud. Milanliklar darvozabonning maoshini yiliga 250 ming evrodan 3-3.5 million evroga qadar ko'tarishga rozi. Ammo uning agenti Mino Rayolani bu taklif qanoatlantirmayapti.
Donnarummaning «Milan» bilan amaldagi shartnomasi 2018 yilning yoziga qadar davom etishi ko'zda tutilgan.
— deya xabar beradi uff.uz nashri.