«Yuventus» klubi FIFA tomonidan jarimaga tortiladi. Bunga sabab sifatida Pogbani «MYu»ga sotishda uning agenti Mino Rayola bilan shartnoma imzolagani ko'rsatilgan.
Xabar qilinishicha, turinliklar va Rayola futbolchini 90 million evroga sotishni va bu mablag'dan 18 millionini agent olishini kelishib olishgan. Keyinchalik tomonlar Rayola tomonidan oshirilgan har 5 million evro uchun 3 million evro berilishiga rozi bo'lishgan. Oqibatda Pogba «MYu»ga 105 million evroga sotildi va Rayola 27 million ishlab oldi.
FIFA tomonidan bu shartnoma futbolchilarga uchinchi shaxs tomonidan egalik qilish qoidasi buzilishi deb topildi. Endi «Yuventus» 60 ming evr jarimaga tortiladi.
Eslatib o'tamiz, Rayola bu transferdan umumiy hisobda 49 million evr ishlab olgan. U «MYu»dan ham o'z ulushini olgan. Ammo bu holat FIFA yurisdiktsiyasiga kirmaydi.
— deya xabar beradi uff.uz nashri.